МҮХАҮТ-ын ЕНБД С.Баясгалан БНИндонез Улсаас Бээжин хотод суугаа орлогч элчин сайд ноён Парулиан Силалахиг хүлээн авч уулзлаа
МҮХАҮТ-ын ЕНБД С.Баясгалан БНИндонез Улсаас Бээжин хотод суугаа орлогч элчин сайд ноён Парулиан Силалахиг хүлээн авч уулзлаа.
Тус уулзалтаар хоёр улсын хамтын ажиллагаа, худалдааны эргэлтийг өсгөх, бизнес форум, соёлын өдөрлөг зохион байгуулах зэрэг сэдвийн хүрээнд ярилцсан юм.
МҮХАҮТ-ын ЕНБД С.Баясгалан: “Хоёр улсын хувьд аялал жуулчлал нь одоогийн хамгийн идэвхитэй байгаа салбар бөгөөд Монголчууд Зүүн Өмнөд Азийн орнуудруу идэвхитэй аялах, хэл сурах, бизнес эрхлэх зорилгоор зорчдог болсон мөн цаашдаа хоёр улсын хамтын ажиллагааг идэвхижүүлснээр Монгол Улсаар дамжуулан ОХУ, БНХАУ-ын зах зээлд Индонезийн аж ахуй нэгжүүд нэвтрэх боломж байгааг цохон дурдлаа.
Түүнчлэн хоёр улсын хамтарч ажиллах боломжтой салбаруудаас дурдвал аялал жуулчлал, арьс шир, ХАА тэр дундаа мах, махан бүтээгдэхүүн бөгөөд өөр нэгэн ач холбогдолтой салбар бол Индонезийн чадварлаг боловсон хүчнийг Монгол Улсад татах юм. Үйлдвэрлэлийн салбар, тэр дундаа нэхмэл үйлдвэрлэлийн салбарын боловсон хүчнийг татах нөөц бололцоо бий гэдгийг онцлон хэллээ.
Ноён Парулиан Силалахи хэлэхдээ: “Индонез Улсад хөрөнгө оруулснаар визний асуудлаас бүрэн чөлөөлөгддөг бөгөөд, хөрөнгө оруулагчдад таатай нөхцөл үүсгэдэг. Одоогийн байдлаар Индонез Улстай худалдаа, хамтын ажиллагаатай байгаа цөөн хэдэн Монголын компани байгаа бөгөөд, бизнес форум, соёлын өдөрлөг зохион байгуулснаар олон бизнесүүд, хувь хүмүүст Индонезийн зах зээл, онцлогийг таниулах боломж үүснэ гэдэгт итгэлтэй байна” хэмээсэн юм.
