БНХАУ-ын Гүйжоу мужийн худалдааг дэмжих холбооны төлөөлөгчид МҮХАҮТ-ын холбогдох албан тушаалтнуудтай уулзалт хийлээ.
БНХАУ-ын Гүйжоу мужийн худалдааг дэмжих холбооны ерөнхий нарийн бичгийн дарга Вэй Чин Ин нарын төлөөлөгчид өнөөдөр МҮХАҮТ-ын холбогдох албан тушаалтнуудтай уулзалт хийлээ. Уулзалтаар ноён Вэй аялал жуулчлал, цахилгаан эрчим хүч, био эмийн бүтээгдэхүүний салбарт хамтран ажиллах, бизнес эрхлэгчдийг холбох, төрөл бүрийн орон нутгийн онцлогтой бараа бүтээгдэхүүнийг солилцох, хамтран ажиллах хүсэлтэй байна. ГХХАГ-ын дарга Б.Жаргалсүрэн МҮХАҮТ хэрэгжүүлэх үйл ажиллагааныхаа хүрээнд дээрх чиглэлүүдээр хамтран ажиллахад бэлэн байна гэдгээ тус тус илэрхийллээ.
Гүйжоу муж нь хятадын олон үндэстэн ястны өлгий нутаг бөгөөд хятадад нийт 52 үндэстэн байдгаас 48 нь тус бүс нутагт аж төрөн амьдарч байна. Байгалийн өвөрмөц тогтоц үзэсгэлэнт байгаль бүхий Гүйжоу нутагт аялал жуулчлал, ойжуулалт, ХАА-н салбар ихээр хөгжжээ.
Сонирхуулахад Хятадын алдарт Мотай цагаан архи энэ мужид үйлдвэрлэдэг юм байна.
