“БИЗНЕС ЭРХЛЭГЧ ЭМЭГТЭЙЧҮҮДИЙН ХАМТЫН АЖИЛЛАГАА ЦАХИМ УУЛЗАЛТ /2024.06.26/ ЗОХИОН БАЙГУУЛЛАА
Монголын Үндэсний Худалдаа Аж Үйлдвэрийн Танхимын Төсөл хөтөлбөрийн газар нь 2024 оны 6-р сарын 26-ны өдөр “Бизнес эрхлэгч эмэгтэйчүүдийн хамтын ажиллагаа” сэдэвт цахим уулзалтыг зохион байгууллаа.
Энэхүү цахим уулзалтаар “b2b.wbc.mn платформыг таниулах, бүртгэл үүсгэх, нэгдэх боломжуудыг бизнес эрхлэгч эмэгтэйчүүддээ” танилцуулах, Танхимын дэргэдэх Бизнес эрхлэгч эмэгтэйчүүдийн зөвлөл болон Азийн сангийн төсөлд хамрагдаж буй бизнес эрхлэгч эмэгтэйчүүд хоорондын хамтын ажиллагааг өргөжүүлэх зорилготой уулзалтыг нээлттэй зохион байгууллаа.
Хуралд МҮХАҮТ-ын дэргэдэх Бизнес эрхлэгч эмэгтэйчүүдийн зөвлөлийн гишүүн компаниуд болох Траст трэйд ХХК-ийн гүйцэтгэх захирал Р.Сансармаа, Ганбел Институтийн гүйцэтгэх захирал П.Гандолгор, Монголын үндэсний “Аса” циркийн гүйцэтгэх захирал Д.Пүрэвбадам болон Азийн сангийн b2b.wbc.mn төслийн оролцогчдын төлөөлөл болох Ногоодой брэндийн Б.Туяа захирал, Намоон брэндийн М.Нарантуяа захирал, “Хайнаг Толгой” хоршооны Г.Гэрэлцэцэг захирал, Индерт Кашмер ХХК-ийн захирал н.Цэвэлмаа, Best Mother жирэмсний төвийн захирал Б.Ундрам, мөн Голом Банкны Бизнес хөгжлийн газрын Бизнес борлуулалтын хэлтсийн захирал Н.Наранжаргал нар урилгаар оролцлоо.
Хурлын эхэнд БЭЭЗ-ийн төлөөлөл болон төсөлд оролцогч компаниудын төлөөлөл тус тус компанийн танилцуулгын хийн цахим хурал эхлэв. МҮХАҮТ-ын ТХГ-аас “b2b.wbc.mn платформыг таниулах, бүртгэл үүсгэх, нэгдэх боломжуудыг бизнес эрхлэгч эмэгтэйчүүддээ” танилцууллаа.
Мөн МҮХАҮТ-ын дэргэдэх БЭЭЗ-н Траст трейд ХХК-ний гүйцэтгэх захирал Р.Сансармаа, Ганбел Институтийн гүйцэтгэх захирал П.Гандолгор, Монголын үндэсний “Аса” циркийн гүйцэтгэх захирал Д.Пүрэвбадам нар төслийн оролцогч компаниудтай хамтран ажиллах, бизнесийн хамтын ажиллагааг өргөжүүлэх тухайд зөвлөн ажиллахад нээлттэйг илэрхийлэв.
Тус уулзалтад урилгаар оролцсон Голомт Банкны Н.Наранжаргал захирал Бизнес эрхлэгч эмэгтэйчүүдэд зориулж бий болгосон “Women Owned” тохирлын тэмдэгтийн талаар, мөн энэхүү тэмдэгтийн гэрчилгээ эзэмшигч болсноор ямар давуу тал, боломжууд бий болох зэрэг мэдээллийг товчхон танилцуулж хамтран ажиллахыг онцлов.