Монголын Үндэсний Худалдаа Аж Үйлдвэрийн төлөөллүүд БНСУ-ын Ёосү хотын MICE аялал жуулчлалын хэлтэсийн төлөөллүүдтэй уулзлаа

БНСУ-ын Ёосү хотын MICE аялал жуулчлалын хэлтсийн дарга Чой Юн Ги МҮХАҮТ-ын төлөөллүүдтэй уулзан БНСУ-ын аялал жуулчлалын салбарыг талаар танилцуулснаас гадна Ёосү хотын аялал жуулчлалын салбар сүүлийн жилүүдэд хурдацтай хөгжиж байгааг онцлон дурдлаа. Ёосү хотын MICE аялал жуулчлалын хэлтэсийн дарга Чой Юн Ги Монголын бизнесүүдэд ажил хэрэгч аялал жуулчлалын боломжуудаа танилцуулахын зэрэгцээ “Монголын Үндэсний Худалдаа Аж Үйлдвэрийн Танхимтай үйлдвэрлэлийн аялал, үйлдвэрлэлийн экспо, туршлага солилцох аялалын чиглэлд хамтран ажиллаж, хамтын ажиллагаагаа өргөжүүлэн тэлэх хүсэлтэй байна” гэсэн бол МҮХАҮТ-ын төлөөлөл “Танхимын зүгээс санал, хүсэлтийг хүлээн авч дэмжиж ажиллана” гэдгээ илэрхийллээ.

MICE аялал жуулчлал гэдэг нь

Meeting - хурал зөвөлгөөн

Incentive tour – Урамшууллын аялал

Conference – Чуулга уулзалт

Exhibition & Event – Үзэсгэлэн яармаг, арга хэмжээ

гэсэн товчлол юм.