Төр хувийн хэвшлийн зөвлөлдөх хороог Баянхонгор аймагт байгуулна

МҮХАҮТ-аас зохион байгуулж буй Төр, хувийн хэвшлийн зөвлөлдөх уулзалт, хэлэлцүүлэг Баянхонгор аймагт эхэллээ.

Уулзалтад МҮХАҮТ-ын дарга Т.Дүүрэн тэргүүтэй Танхимын төлөөлөгчид, Баянхонгор аймгийн Засаг даргын орлогч М.Мөнхбат тэргүүтэй орон нутгийн засаг захиргааны ажилтнууд, Баянхонгор аймаг дахь мэргэжлийн холбоод, бизнес эрхлэгчдийн төлөөлөл нийт 45 хүн оролцож байна.

Тэд орон нутгийн бизнесийн орчинд тулгамдаж буй асуудлуудыг хэлэлцэж шийдлийг тодорхойлох ТӨР ХУВИЙН ХЭВШЛИЙН ЗӨВЛӨЛДӨХ ХОРОО-г байгуулахаар ажиллаж байна.

НООС НООЛУУРЫН ЧАНАРТ ХАРГАЛЗСАН ҮНИЙН ТОГТОЛЦООГ БИЙ БОЛГОНО - “Баянхонгор аймаг нь ноос ноолуурын нийлүүлэлт, боловсруулалтын хүчин чадлыг өсгөх, чанарт харгалзсан үнийн тогтолцоог бий болгох хэтийн зорилттой. Мөн Шаргалжуутын рашааныг аялал жуучлалын томоохон талбар болгож аймгийнхаа дэд бүтэц, ажилын байрыг бий болгож залуу боловсон хүчнээ дэмжих явдал юм. Эдгээр зорилтыг хэрэгжүүлэхэд МҮХАҮТ-ын Баянхонгор дахь салбар Танхим болон орон нутгийн бизнес эрхлэгчдийн дэмжлэг оролцоо хэрэгтэй байна.” хэмээн Баянхонгор аймгийн Засаг Даргын Орлогч М.Мөнхбат төр хувийн хэвшлийн зөвлөлдөх уулзалтаар онцоллоо.