МҮХАҮТ Олон Улсын Хөдөлмөрийн Бага хурлын ээлжит 112 дугаар чуулганд оролцлоо
Швейцарь улсын Женев хотноо 2024 оны 6 дугаар сарын 3-ны өдөр эхэлсэн Олон улсын хөдөлмөрийн Бага хурлын 112 дугаар чуулганд Монгол Улсын гурван талын төлөөлөгчид буюу Засгийн газар, Монголын ажил олгогч эздийн холбоо, Монголын Үндэсний Худалдаа Аж Үйлдвэрийн Танхим болон Монгол үйлдвэрчний эвлэлийн холбоо, бусад нийгмийн түнш байгууллагын төлөөлөл оролцож байна.
Олон улсын хөдөлмөрийн байгууллага (ОУХБ)-ын 187 гишүүн орны гурван талын төлөөлөгчид хуран цугласан ээлжит чуулган “Ажлын орчинд нөлөөлж болох биологийн аюул занал, түүнд бэлэн байх, эрсдэлтэй ажлын байх, ажилчдыг хамгаалах, урьдчилан сэргийлэх” үндсэн сэдвийн хүрээнд ОУХБ-ын суурь конвенциудын хэрэгжилт, хөдөлмөрлөх суурь зарчим ба эрхүүд, зохистой хөдөлмөр ба асрахуйн эдийн засаг зэрэг өргөн хүрээтэй асуудлаар хэлэлцэн өрнөж байна.
MYXAYТ нь бизнесийн таатай орчныг бүрдүүлэхэд нөлөөлөгч, өмгөөлөгч, бизнесийн хөгжилд чиглүүлэгч, холбогч, дэмжигч байх эрхэм зорилгынхоо хүрээнд ажил олгогчдийн төлөөлөллийн хувиар тус чуулганд дуу хоолойгоо өргөн Ази, Номхон далайн бүс нутаг болон төв Азийн орнуудын хэлэлцүүлэг, Олон улсын хөдөлмөрийн Бага хурлын хэлэлцүүлгүүдэд амжилттай оролцлоо.
