МҮХАҮТ-ын Ерөнхийлөгч Д.Энхтүвшин БНКазУ-аас МУ-д суугаа Элчин сайд Габит Койшибаев-г хүлээн авч уулзлаа

БНКазУ-аас МУ-д суугаа Элчин сайд Габит Койшибаев МҮХАҮТ-д хүрэлцэн ирж хоёр улсын хамтын ажиллагааг бизнесийн салбарт өргөжүүлэх, худалдааг нэмэгдүүлэх, бизнесийн байгууллагуудыг  холбох В2В уулзалт, бизнес аялал, аж ахуйн нэгжүүдтэй танилцах үйл ажиллагаа, “Монгол-Казахстаны хамтарсан ажил хэргийн зөвлөл” байгуулах зэргээр гадаад хамтын ажиллагаагаа эрчимжүүлэхээр санал тавилаа. Уулзалтын үеэр МҮХАҮТ-ын Ерөнхийлөгч Д.Энхтүвшин "Мэдээлэл өгч, харилцан санал солилцсонд талархал илэрхийлж байна" хэмээсэн бөгөөд Монголын бизнес эрхлэгчдийг дэмжих, холбох гол чиг үүрэгтэй Танхимын зүгээс бүх санал хүсэлтийг хүлээн авч, дэмжиж ажиллана гэдгээ илэрхийллээ.