Хөвсгөл аймагт “Тогтвортой сарлагийн арьс” (Sustainable yak leather) төслийн танилцуулга өдөрлөг боллоо
Монголын арьс ширний үйлдвэрлэлийн холбоо (МАШҮХ), МҮХАҮТ-ын Хөвсгөл салбар танхим хамтран Хөвсгөл аймгийн Мөрөн хотод “Монгол сарлагийн арьс шир ба арьсан бүтээгдэхүүний кластерын био-арьс болон био-арьсан бүтээгдэхүүн үйлдвэрлэх чадавхыг бэхжүүлэх төсөл”-ийн танилцуулга өдөрлөгийг 2024 оны 6 сарын 5-ны өдөр зохион байгуулав.
Арга хэмжээний үеэр МҮХАҮТ-ын Хөвсгөл салбар танхимын дарга Д.Гэрэлтуяа МҮХАҮТ-ыг төлөөлөн Танхимын үйл ажиллагаа болон төслийн хэрэгжилтийн явцыг танилцууллаа.
Уулзалтад Хөвсгөл аймаг дахь арьс ширэн бүтээгдэхүүн үйлдвэрлэгч ЖДҮ-ийн төлөөлөгчид болон төслийн зохицуулагч талууд оролцлоо. Мөн түүнчлэн түүхий эдийг хэрхэн боловсруулж ОУ-ын стандартад нийцсэн тогтвортой эцсийн бүтээгдэхүүн экспортод гаргах тухай мэдэгдэхүүн олж авах хүсэл бүхий бизнес эрхлэгчид оролцож саналаа солилцов.
