МҮХАҮТ Олон улсын ажил олгогчдын байгууллагад гишүүнээр элсэх хүсэлтээ гаргалаа
2024 оны 06 сарын 03-15-ны өдрүүдэд 112 дахь удаагийн Олон улсын хөдөлмөрийн чуулган зохион байгуулагдаж байна. Энэхүү чуулганд Европын Холбоо, Их 20 болон хөгжиж буй эдийн засгуудын төлөөлөл болох нийт 4000 гаруй оролцогч хүрэлцэн ирж, салбар бүрийн дуу хоолой болж байгаа юм. Манай улсаас Хөдөлмөр, нийгмийн хамгааллын яам, үйлдвэрчний эвлэл, Монголын ажил олгогч эздийн холбоо болон МҮХАҮТ-ын төлөөлөл оролцож байна. Чуулганы үеэр МҮХАҮТ-ын Ерөнхийлөгч Д.Энхтүвшин Олон улсын ажил олгогчдын байгууллага (IOE)-ын Ерөнхий нарийн бичгийн дарга Роберто Суарез Сантостой уулзаж тус байгуулагад гишүүнээр элсэх хүсэлтээ гаргалаа. Гишүүн болсноор бусад улсын туршлагаас харилцан суралцахаас гадна ажил олгогчдынх эрх ашиг нь ноцтойгоор зөрчигдсөн тохиолдолд тухайн улсын засгийн газарт олон улсын байгууллагаар дамжуулан нөлөөлөх боломжтой болдог.