SheTrades боловсролын салбарт
Олон Улсын Худалдааны Төв (ITC)-ийн SheTrades санаачилгын хүрээнд эмэгтэй бизнес эрхлэгчдийн өрсөлдөх чадварыг нэмэгдүүлэх, чадавхжуулах, санхүүгийн хүртээмжтэй байдлыг бий болгох ажлын хүрээнд хамтран ажиллахаар МҮХАҮТ болон “Смарт” олон улсын дунд сургууль санамж бичигт гарын үсэг зурлаа.
Ийнхүү боловсролын салбарын төлөөллүүдийн нэг тус сургуультай хамтран ажиллахдаа олон улсын зах зээлд нэвтрэх зорилготой ажиллаж буй эмэгтэй бизнес эрхлэгчдийг дэмжих, тэдгээрийн бүтээгдэхүүн, үйлчилгээ болон санаачилсан төсөл, хөтөлбөрүүдийг хэрэгжүүлэхэд туслах, хамтран ажиллах түншлэлтэй холбох, дэмжлэг үзүүлэх юм. Түүнчлэн сургалт болон шинэ зах зээл, хөрөнгө оруулалтын боломжуудаар хангах замаар эмэгтэй бизнес эрхлэгчдийн өрсөлдөх чадварыг нэмэгдүүлэх зэргээр хамтрахаас гадна жендерийн тэгш оролцоог хангах бодлогын өмгөөлөл үзүүлэхэд дэмжлэг үзүүлэх чиглэлд чухал ач холбогдол өгч ажиллахаа МҮХАҮТ-ын Ерөнхий нарийн бичгийн дарга С.Баясгалан уламжиллаа.
