“БИЗНЕС ЭРХЛЭГЧ ЭМЭГТЭЙЧҮҮДИЙН B2B ДИЖИТАЛ ПЛАТФОРМЫГ ХӨГЖҮҮЛЭХ ТӨСӨЛ”-ИЙН ҮР ДҮНГИЙН ХУРАЛ ЗОХИОН БАЙГУУЛЛАА
Бизнес эрхлэгч эмэгтэйчүүдийн b2b дижитал платформыг хөгжүүлэх төслийн зорилго нь Монгол Улсын бизнес эрхлэгч эмэгтэйчүүдийн жендерийн болон санхүүгийн тэгш бус хүртээмжийг багасгах, бизнес эрхлэхэд тулгардаг гэр бүлийн болон бусад нөлөөллийг зохицуулах, бизнесүүд хоорондоо орон зай, цаг хугацааг үл харгалзан харилцаа холбоо тогтоох боломжийг нэмэгдүүлэхэд туслах, эмэгтэйчүүдийн хамтын ажиллагааг бэхжүүлэх, эдийн засгийн оролцоог нэмэгдүүлэх, чадавхжуулах, өрсөлдөх чадварыг дээшлүүлэх юм.
Ийнхүү https://b2b.wbc.mn/ платформд төслийн хугацаанд Улаанбаатар хотоос 16 аж ахуй нэгж, орон нутгаас 4 аж ахуй нэгж нэгдсэн байгаа бол нийт 156 хувиараа бизнес эрхлэгч эмэгтэйчүүд өөрсдийн бараа бүтээгдэхүүн үйлчилгээгээ борлуулж эхэлжээ. МҮХАҮТ-ын зүгээс төслийн нэгдүгээр шатанд нийт 5 удаагийн сургалт, 1 арга хэмжээг зохион байгуулж 850 гаруй бизнес эрхлэгч эмэгтэйчүүдэд B2B платформын мэдээллийг хүргэн ажилласан байна.
Төслийн нэгдүгээр шатны үр дүнгийн хуралд МҮХАҮТ-ын Төсөл, хөтөлбөрийн газар, Азийн сангийн төлөөллүүд болон B2B платформд нэгдсэн бизнес эрхлэгч эмэгтэйчүүдийн төлөөллүүд оролцлоо.
