“BUSINESS CUP 2024” хөлбөмбөгийн шилжин явах цомын төлөөх тэмцээний бүртгэл эхэллээ
Монгол Улсын Ерөнхийлөгчийн “Нийтийн хөлбөмбөг” хөтөлбөрийн “Хамтын ажиллагаа, түншлэл” дэд хөтөлбөрийн хүрээнд хөлбөмбөгөөр дамжуулан олон улсад үндэсний бүтээгдэхүүн, үйлчилгээг сурталчлан таниулах, хөлбөмбөгийн спортыг дэмжих үйл ажиллагааг эхлүүлэх, Монголын хөлбөмбөгийн холбоо болон Монголын үндэсний худалдаа аж үйлдвэрийн танхим хамтран ажиллах санамж бичгийн хүрээнд Хөлбөмбөгийн спортоор дамжуулан бизнесийн байгууллагуудын албан хаагчдын чөлөөт цагийг зөв боловсон өнгөрүүлж, нийтийн биеийн тамирын хүрээнд эрүүл чийрэг болгох, Европын Аварга Шалгаруулах Тэмцээнтэй уялдуулан, байгууллагуудын хөлбөмбөгийн үйл ажиллагааг идэвхжүүлэх, байгууллага бүрийг хөлбөмбөгийн багтай болгох, багийг бүрдүүлэх зорилгоор 2024 оны 05-р сарын 25-аас 06-р сарын 15-ны хооронд /бямба, ням/ өдрүүдэд МХБХолбооны бэлтгэлийн баазад зохион байгуулах гэж байна.
Иймд хөлбөмбөгийн спортыг дэмжигч, хамтран ажиллагч бизнесийн байгууллагуудыг “BUSINESS CUP 2024” хөлбөмбөгийн шилжин явах цомын төлөөх тэмцээнд МҮХАҮТ-ын гишүүн байгууллагуудыг идэвхитэй оролцохыг уриалж байна.
Хаана:
- Тэмцээн: Airdome төв аймгийн /МХБХ-ны төв аймаг дахь амралт, сургалт, спорт үйлчилгээний бэлтгэлийн төв/
- Аварга шалгаруулах тэмцээн: МХБХ-ны төв талбай
Энэ тэмцээний үеэр бидэнтэй бүх талаар хамтран ажиллах боломжтой:
- Ивээн тэтгэлэг
- Реклам, зар сурталчилгаа мэдээллийн ивээн тэтгэгч
- Бүтээгдэхүүнээр хамтран ажиллах гэх мэт.
Хавсралт:
Бүртгэлийн хугацаа 2024 оны 5-р сарын 22-нд дуусна
Холбоо барих: 99078303, 99730233
