Тайбэйн Худалдаа, эдийн засгийн төлөөлөгчийн газартай уулзалт хийлээ
МҮХАҮТ-ын Гүйцэтгэх захирал Т.Дүүрэн Улаанбаатар дахь Тайвань улсын Тайбэйн Худалдаа, эдийн засгийн төлөөлөгчийн газрын гуравдугаар нарийн бичгийн дарга Жимми Чэнг Као нар 2024 оны 05 сарын 03-ны өдөр уулзаж, МҮХАҮТ-аас хэрэгжүүлж буй Бизнесийн Сэргэлт 10 000 залууг бизнесийн сургалтанд хамруулах төслийн хүрээнд хамтран ажиллах талаар санал солилцлоо.
Уулзалтын эхэнд ноён Жимми “Манай хоёр байгууллага олон жилийн найрсаг хамтын ажиллагаатай байж ирсэн” хэмээгээд хоёр орны бизнес эрхлэгчдийг мэдээллийн технологи (IT) , эрүүл мэнд, ухаалаг төлбөрийн систем, ногоон эдийн засгийн салбарт хамтын ажиллагааг улам идэвхижүүлэх сонирхолтой байгаагаа илэрхийлсэн.
МҮХАҮТ-аас санаачлан 10 000 залууг бизнесийн сургалт, хөтөлбөрт хамруулах ажлын хүрээнд Тайбэй хотод богино хугацааны сургалтад суралцуулах тал дээр Тайбэйн төлөөлөгчийн газраас дэмжлэг үзүүлж, хамтран ажиллахаа албан ёсоор мэдэгдлээ.
