Монгол Тариаланчдын Үндэсний Холбоотой хамтын ажиллагааны санамж бичиг зурлаа
Монголын Үндэсний Худалдаа Аж Үйлдвэрийн Танхимын Ерөнхийлөгч Д.Энхтүвшин Монгол Тариаланчдын Үндэсний Холбооны тэргүүн Л.Баяртулга нар хамтын ажиллагааны санамж бичигт гарын үсэг зурлаа.
Санамж бичгийн зорилго нь буудайгаас бусад төрлийн таримлыг экспортлох, үндэсний брэнд бүтээгдэхүүнүүдийг хөгжүүлэх, олон улсын зах зээлд таниулах, нэвтрэх үйл ажиллагаануудад дэмжлэг үзүүлэхэд оршино. МҮХАҮТ болон Монгол Тариаланчдын Үндэсний Холбоо газар тариалан эрхлэгчдийг олон улсын үзэсгэлэн худалдаа, экспод үр дүнтэй оролцох боломжоор хангах замаар экспортын бүтээгдэхүүн болон зах зээлийг төрөлжүүлэхэд хамтран ажиллах юм.
Мөн буудайгаас бусад таримлын боломжит олон улсын зах зээлүүдийг тодорхойлох, тухайн зах зээлд нэвтрэхтэй холбоотой хууль, тогтоомжийн зохицуулалт, стандартыг судлан тухайн стандарт шаардлагад нийцсэн Монголын таримлуудыг экспортод гаргах боломжийг бүрдүүлэн логистикийн уялдаа холбоог зохион байгуулах, тариаланчдын чадавхийг нэмэгдүүлэх чиглэлээр сургалтын хөтөлбөрүүдийг хамтран зохион байгуулахаар боллоо.
