"Органик Монгол хөтөлбөр"-ийн 2024 онд олгох зээлийн хүсэлтийг хүлээн авч эхэллээ

МҮХАҮТ-ын санаачилгаар хувийн хэвшлийн томоохон төлөөллүүд хамтран компанийн нийгмийн хариуцлагын хүрээнд Органик монгол бичил зээлийн хөтөлбөрийг 2008 оноос хэрэгжүүлж байна. Хөтөлбөр нь анх газар тариалангийн төслүүдэд санхүүгийн дэмжлэг үзүүлж байсан бол 2017 оноос эхлэн хамрах хүрээгээ өргөжүүлж органик, тогтвортой хөдөө аж ахуй, байгалийн нөөцийн хэмнэлттэй, алдагдал хаягдал багатай үйлдвэрлэлийн төслүүдэд дэмжлэг үзүүлж эхэлсэн.
Бид зөвхөн зээл олгоод зогсохгүй орон нутгийн бизнес эрхлэгчдэд тогтвортой үйлдвэрлэл ба хэрэглээ, хөдөө аж ахуйн зохистой дадал нэвтрүүлэх, органик хүнс, бордоог хэрхэн зөв ашиглах талаар сургалт зохион байгуулж, үзэсгэлэн худалдаа болон хамтрагч байгууллагуудтай холбож  борлуулалтыг дэмжин ажилладаг.

Органик Монгол Хөтөлбөрт аж ахуй нэгж, хувь хүн хамрагдах боломжтой.  Мөн “Органик Монгол”  бичил зээлийн хөтөлбөр нь өөрийн үндсэн WWW.ORGANICMONGOL.MN  сайтаар зээлийн хүсэлт хүлээн авдаг боллоо. 
Хөтөлбөр хэрэгжих байршил: Дархан-Уул, Сэлэнгэ аймаг
Зээл олгох банк: Дархан-Уул, Сэлэнгэ аймаг дахь Хас банк 
Веб сайт: https://www.organicmongol.mn/ 

Бизнес эрхлэгч, органик бүтээгдэхүүн тариалагч, үйлдвэрлэгчдийг хөтөлбөрт хамрагдахыг урьж байна. 

Цахимаар хүсэлт илгээх: https://shorturl.at/uxFIT 

Холбоо барих: 
Дархан-Уул аймаг дахь ХАҮТ 
Хаяг: Дархан сум, 10-р баг Чингис хаан банкны байр 
Утас: 70373194, 99915222
Сэлэнгэ аймаг дахь ХАҮТ 
Хаяг: Нутгийн захиргааны 3-р байр, 308 тоот 
Утас: 91112656