Монгол – Австрийн бизнес форум болно
МҮХАҮТ-ын Гадаад харилцаа хамтын ажиллагааны газрын дарга Ч.Ариун Австрийн Элчин сайдын яамны худалдааны хэлтсийн дэд дарга, худалдааны атташе хатагтай Мануэла Сандлертай уулзаж, 2024 оны 4-р сарын 25-нд зохион байгуулагдах Монгол – Австрийн бизнес форум, МҮХАҮТ, Австри улсын холбооны эдийн засгийн танхим хооронд хамтран санамж бичиг байгуулах ёслолын ажиллагааг зохион байгуулах талаар уулзан ярилцлаа.
Энэ удаагийн бизнес форумд Монголын Үндэсний Худалдаа Аж Үйлдвэрлэлийн Танхимын Ерөнхийлөгч Д.Энхтүвшин, Монгол-Австрийн парламентын бүлгийн дарга, Улсын их хурлын гишүүн Э.Бат-Амгалан, Австри улсаас Монгол Улсад хавсран суух Элчин сайд ноён Андреас Риекэн, Австри улсын холбооны эдийн засгийн танхимын дэд ерөнхийлөгч ноён Филипп Гади нар оролцох юм.
Энэхүү арга хэмжээнд Австрийн талаас эмнэлгийн тоног төхөөрөмж, сүүн бүтээгдэхүүний үйлдвэр, систем, мах, махан бүтээгдэхүүний үйлдвэр, систем, сав баглаа, цаас, мод, төмөр үйлдвэрлэл, нийлүүлэлт, бүх төрлийн тайз угсралт зэрэг чиглэлээр үйл ажиллагаа эрхэлдэг томоохон компаниудын төлөөлөл оролцоно.
