МҮХАҮТ шинэ гишүүдээ хүлээн авлаа
МҮХАҮТ-ын 2024 оны нэгдүгээр улирлын шинэ гишүүний гэрчилгээ гардуулах арга хэмжээ болон Танхимын үйл ажиллагаа, бүтээгдэхүүн үйлчилгээг танилцуулах Member Care Event боллоо. Арга хэмжээгээр он гарснаас хойш Танхимын гишүүн болж буй 70 гаруй аж ахуйн нэгжид Дэд захирал Ц.Магнайбаатар гишүүний гэрчилгээг нь гардуулсан бөгөөд “Интерактив БИ АЙ” ХХК-ийн Ерөнхий захирал Ч.Чимэддорж болон “Улаанбаатар үнэт цаасны бирж” ХК-ийн Гүйцэтгэх захирал М.Даваажаргал нар мэдээлэл өгч, шинэ гишүүдэд баяр хүргэсэн юм.
МҮХАҮТ-ын гишүүнчлэл Standard, Gold, Platinum, Diamond, Sponsor гэсэн 5 ангилалтай. Гишүүнлэлтэй болсноор Танхимаас зохион байгуулж буй арга хэмжээнүүдэд оролцох, бизнесийн түншлэлээ өргөжүүлэх, ААН-үүдийн үндэсний хэмжээний мэдээллийн нэгдсэн сүлжээ www.trademongolia.mn-д мэдээлэл, үйл ажиллагаа, бүтээгдэхүүнээ байршуулж, сурталчлах боломжтой. Түүнчлэн гишүүнчлэлийн ангиллаас хамаарч, MYXAYT-aac үзүүлдэг үйлчилгээнүүдэд хөнгөлөлт эдэлдэг.
Шинэ гишүүддээ болон зохион байгуулалтад хамтран ажилласан Next Group, Текстрим ХХК /Timely/, Транс Капитал ББСБ, Очир дагинс ХХК, Luxwood компаниудадаа талархсанаа илэрхийлээд бизнест нь амжилт хүсье.
