Монгол-Японы бизнес форумыг зохион байгуулна
Монголын Үндэсний Худалдаа Аж Үйлдвэрийн Танхимын ЕНБД С.Баясгалан Японы Олон улсын хамтын ажиллагааны агентлаг (ЖАЙКА)-ийн Монгол дахь суурин төлөөлөгч Накамүра Кейгог хүлээн авч уулзлаа.
Уулзалтаар Монгол-Японы бизнес форумыг 2024 оны 8 сард зохион байгуулахаар санал солилцож, МҮХАҮТ ерөнхий зохион байгуулагчаар оролцохоор боллоо.
Энэ удаагийн форумыг өргөн хүрээнд зохион байгуулах бөгөөд илүү үр дүнтэй хамтын ажиллагааг эхлүүлэх, бизнес эрхлэгчдийг холбох, түншлэлийг бэхжүүлэх үүднээс форумаас ААН-үүдэд дараах мэдээллийг урьдчилан түгээх сургалт, семинарыг ЖАЙКА-тай хамтран зохион байгуулахаар тохиролцлоо. Үүнд:
- FOODEX Japan үзэсгэлэнд оролцсон ААН-ийн туршлага, үр дүнг хуваалцах, цаашид үзэсгэлэн яармагуудад хэрхэн оролцох талаар сургалт,
EPA буюу чөлөөт худалдааны хэлэлцээрийн боломжууд, хэрхэн ашиглах, ямар давуу тал байдаг талаар бизнес эрхлэгчдэд илүү нарийвчилсан дэлгэрэнгүй тодорхой мэдээллийг хүргүүлэх зэргийг багтаалаа.