(+976) 7727-7070
info@mongolchamber.mn
08:30 - 17:30
Ажлын цаг

МҮХАҮТ-ын төлөөлөгчийн газар Холбооны Бүгд Найрамдах Герман улсад нээгдлээ

2019/11/10 0

МҮХАҮТ-ын Ерөнхийлөгч О.Амартүвшин ХБНГУ-ын Коттбус хотын Худалдаа Аж Үйлдвэрийн Танхимын Ерөнхийлөгч П.Копфын урилгаар ХБНГУ-д ажлын албан айлчлал хийлээ. Уг айчлалын үеэр ХБНГУ-д МҮХАҮТ-ын төлөөлөгчийн газрыг албан ёсоор нээж, 2 улс хамтын ажиллагааны санамж бичигт гарын үсэг зурлаа.

ХБНГУ-д нээгдэж буй МҮХАҮТ-ын Төлөөлөгчийн газрын үйл ажиллагаа нь хоёр улсын эдийн засгийн болон худалдааны хамтын ажиллагааг өргөжүүлэн тэлэх, дэлхийд тэргүүлэх техник технологийн өлгий нутаг Германы компаниудтай өргөн харилцаа холбоо тогтоох, хамтарсан төсөл хөтөлбөр хэрэгжүүлэх, эдийн засаг, худалдааны бодит үр дүн гаргахад чиглэгдэх болно хэмээн МҮХАҮТ-ын Ерөнхийлөгч О.Амартүвшин онцоллоо.