Хөнгөн үйлдвэрийн анхны эмэгтэй баатар

Монгол Улсад Хөнгөн аж үйлдвэр үүсэж, хөгжсөний 90 жилийн ойн баярын өдөр МҮХАҮТ-ын Удирдах зөвлөлийн гишүүн “Ханбогд Кашимер” компанийн Ерөнхий захирал Ч.Ганцэцэг Монгол Улсын Хөдөлмөрийн баатар цолоор шагнагдлаа.

Хөнгөн аж үйлдвэр, тэр дундаа ноос, ноолуурын салбарт олон улсын жишгийг нэвтрүүлж, инновац шингээсэн бүтээгдэхүүнийг дотоод, гадаадын зах зээлд амжилттай нийлүүлж бизнес, экспортын салбарт үнэтэй хувь нэмрээ оруулж буй Аж үйлдвэрийн гавьяат ажилтан Ч.Ганцэцэг захирал ийнхүү хөнгөн үйлдвэрийн салбарт төрж буй анхны эмэгтэй Хөдөлмөрийн баатар болж байгаа юм. Тэрбээр “Бизнесийн салбарт хүч сорьж буй эмэгтэй бизнес эрхлэгчдийн хөдөлмөрийг өндөрөөр үнэлэн төрийн дээд шагнал хүртээж буйд төр, засагтаа талархалаа илэрхийлье” гэлээ.