Монгол - Турк 2 улсын дипломат харилцаа тогтоосны 50 жилийн ой болж байна
Монгол, Туркийн дипломат харилцаа тогтоосны 50 жилийн ойн хүрээнд “Өнгөрсөн, Одоо, Ирээдүй” сэдэвт эрдэм шинжилгээний бага хурал зохион байгуулагдаж байна. Монгол-Турк 2 улсын гадаад худалдааны эргэлт, дэд бүтэц, тээвэр, аялал жуучлал болон уул уурхайн салбаруудын хөгжилийг хэрхэн нэмэгдүүлэх боломжуудын талаар нээлттэй өргөн хүрээнд хэлэлцэж байна. МҮХАҮТ-ын төлөөллүүд тус хуралд оролцож санал солилцож байна.
Хуралдааны үеэр МҮХАҮТ-ын дэргэдэх Монгол-Туркийн хамтарсан Танхимын талаар онцолсон. Монгол-Туркийн хамтарсан Танхим нь 2018 онд байгуулагдсан ба даргаар “Наран” группын ТУЗ-ийн дарга С.Болдхэт ажиллаж байна. Монгол-Туркийн хамтарсан Танхим нь 2 улсын жижиг, дунд бизнес эрхлэгчдийн харилцаа, хөрөнгө оруулалтын нөөц бололцоонд дэмжлэг үзүүлэн ажилладаг МҮХАҮТ-ын дэргэдэх 5 зөвлөлийн нэг юм.
