МҮХАҮТ, "Улаанбаатар Үнэт Цаасны Бирж" ХК-тай хамтран ажиллахаар “Санамж бичиг” байгууллаа.

МҮХАҮТ, "Улаанбаатар Үнэт Цаасны Бирж" ХК танхимын гишүүн байгууллагууд болон олон нийтэд хөрөнгийн зах зээлийн талаар мэдлэг олгох, санхүүжилтийн олон талт хувилбаруудыг танилцуулах, мэргэжлийн зөвлөгөө, сургалтаар хангах, бирж дээр бүтээгдэхүүн үйлчилгээг бүртгэх чиглэлээр хамтран ажиллахаар “Санамж бичиг” байгууллаа.

Санамж бичгийн хүрээнд дараах ажлуудыг хийх юм.

• Олон нийтийн санхүүгийн боловсролыг дээшлүүлэх
• ААН-үүдэд хөрөнгийн зах зээлийн боломж давуу талуудын талаар сургалт зохион байгуулж, биржид бүртгэлтэй хувьцаат компани болохоос өмнөх болон дараах үйлчилгээ санал болгох,
• Биржийн зүгээс танхимын гишүүн компаниудад шимтгэл хураамжийн таатай нөхцөл санал болгох,
• Жижиг, дунд бизнес эрхлэгчдэд хөрөнгийн зах зээлийн боломжуудын талаар мэдлэг олгох сургалт, арга хэмжээ зохион байгуулах,
• Жижиг, дунд бизнес эрхлэгчдийн дэмжих, санхүүжилтийн боломжуудыг нэмэгдүүлэх хөтөлбөр хэрэгжүүлэх,

“Улаанбаатар Үнэт Цаасны Бирж” нь 2015 онд үүсгэн байгуулагдсан бөгөөд Монгол улсад үйл ажиллагаа явуулж буй албан ёсны арилжаа, тооцооны тусгай зөвшөөрөлтэй цор ганц бөгөөд анхны хувийн бирж юм.