МҮХАҮТ, Байгаль орчны судалгаа, шинжилгээний төвтэй хамтран ажиллах санамж бичиг байгууллаа

МҮХАҮТ, Байгаль орчны судалгаа, шинжилгээний төвтэй уул уурхайн ашигт малтмал олборлох, баяжуулах, боловсруулах үйл ажиллагаа эрхэлдэг аж, ахуйн нэгж байгууллагууд үйлдвэрийн технологийн явцад хүрээлэн буй орчинд үзүүлэх нөлөөллөөс үүсэж болзошгүй эрсдэлээс сэргийлэх, байгаль орчны хариуцлагатай үйл ажиллагааг аж ахуйн нэгжүүдэд таниулах зорилгоор МҮХАҮТ-ын Гүйцэтгэх захирал Т.Дүүрэн, Байгаль орчны судалгаа, шинжилгээний төвийн УТҮГ-ын захирал Х.Гантулга нар /2024.03.12/ хамтын ажиллагааны санамж бичиг үзэглэлээ.

Талууд санамж бичгийн хүрээнд:

• Байгаль орчны бодлого, хууль тогтоомжийн хэрэгжилтийг хангаж, аливаа төслийн үйл ажиллагаанаас үүсэж болзошгүй хүрээлэн байгаа орчны бохирдол, доройтлоос урьдчилан сэргийлэх, бохирдлыг бууруулах, саармагжуулах, нөхөн сэргээх, хариуцлагатай уул уурхайг хөгжүүлэхтэй холбоотой арга хэмжээ, уулзалт, зөвлөгөөн зохион байгуулах;
• Орон нутагт ашигт малтмал хайх, ашиглах тусгай зөвшөөрөлтэй аж ахуйн нэгж, байгууллага, төрийн бус байгууллага, Их дээд сургууль, ЕБС, МСҮТ-ийн оюутан, сурагчдад байгаль орчны чиглэлийн хууль тогтоомж, журам, аргачлал, стандартыг сурталчлан таниулах, байгаль орчны чиглэлээр мэдээлэл өгөх, сургах, дадлагажуулах чиглэлээр төсөл хөтөлбөр хэрэгжүүлэх;
• Ой, ус, ургамал, амьтан, газрын нөөц баялгийн экологи, эдийн засгийн үнэлгээ, даацын судалгааны дүн, нэгтгэлд арга зүйн зөвлөгөө өгөх, Олон улсын байгууллагуудтай хамтран ажиллах, байгаль орчныг хамгаалах чиглэлээр үйл ажиллагаа явуулдаг аж ахуйн нэгжүүдийг чадавхжуулах, өрсөлдөх чадварыг дээшлүүлэх хүрээнд төр хувийн хэвшлийн түншлэлийг дэмжин оролцох зэрэг ажлуудыг хийж хэрэгжүүлэх юм.
• Тус төв нь уул уурхайн төслүүдээс байгаль орчинд үзүүлж буй бохирдлыг судлах ажлын хэсэг байгуулан 21 аймгийн хэмжээнд идэвхтэй үйл ажиллагаа явуулж буй 174 уурхайн үйл ажиллагаанд судалгаа, шинжилгээ хийн тайлан гарган дүгнэлт, зөвлөмжийг хүргүүлэн ажиллаж байна.