10000 залуусыг бизнесийн сургалтад хамруулахад Хятадын Зунхуа Нийгэмлэг дэмжлэг үзүүлэхээ мэдэгдлээ
МҮХАҮТ-ын дэд захирал Ц.Магнайбаатар Хятадын хөрөнгө оруулагчдын Зунхуа Нийгэмлэгийн дэд тэргүүн бөгөөд Монгол дахь Харбин хотын Хармөрөн мужийн тэргүүн Цао ДэВэн нар 2024 оны 02 сарын 23-ны өдөр уулзаж, Монгол Хятад хоёр улсын бизнес эрхлэгчдийг холбох чиглэлд хамтран ажиллах талаар санал солилцлоо.
Уулзалтын хүрээнд хоёр улсын сэргээгдэх эрчим хүч, ногоон эдийн засаг салбарт хамтын ажиллагааг улам идэвхижүүлж, энэ чиглэлийн төсөл хөтөлбөр, хөрөнгө оруулалтын форум хамтран зохион байгуулах болон Танхимын 10000 залуусыг “бизнесийн сургалт” хөтөлбөрт хамруулах ажлын хүрээнд Хятад улсад богино хугацааны сургалтанд суралцуулах тал дээр Зунхуа нийгэмлэг дэмжлэг үзүүлж, хамтран ажиллахаа албан ёсоор мэдэгдлээ.
Уулзалтын төгсгөлд БНХАУ-ын Харбины Олон улсын үзэсгэлэн яармагт Монгол улсыг албан ёсоор урьж, цаашид хоёр улсын бизнес эрхлэгчдийг холбох, харилцан ашигтай хамтын ажиллагааг өрнүүлэхээр болов.
Түүнчлэн Харбины Хар Мөрөн Мужийн бизнес эрхлэгчид Монгол улсаас хамтран ажиллах, хөрөнгө оруулах түнш болон өөрийн бизнесээ сурталчилан таниулах арга хэмжээг 3 дугаар сарын 1 нд Novotel зочид буудалд зохион байгуулах гэж байна. ХАА, хөнгөн үйлдвэр тэр дундаа мах, махан бүтээгдэхүүн, борц, мөөгний бизнес эрхэлдэг ААН-үүд өргөнөөр оролцохыг урьж байна.
