МҮХАҮТ-ын дэргэдэх Эдийн засгийн коридор, боомтын зөвлөлийн хурал боллоо

Эдийн засгийн гадаад харилцааг идэвхжүүлэх, Хилийн боомт, эдийн засгийн коридор, чөлөөт бүсийн төслүүдэд бизнесийн салбарын оролцоог нэмэгдүүлэх зорилгоор байгуулагдсан Эдийн засгийн коридор, боомтын зөвлөлийн 2024 оны анхны хурал амжилттай зохион байгуулагдлаа. Энэхүү хуралд зөвлөлийн 20 орчим гишүүд оролцож, цаашид хэрэгжүүлэх үйл ажиллагааны талаар санал солилцон, зөвлөлийн 2024 оны төлөвлөгөөг баталлаа.Томоохон боомтуудын асуудлыг хариуцсан дэд зөвлөлүүд байгуулах, Боомтын форумыг хамтран зохион байгуулах,Эдийн засгийн коридорын форум зохион байгуулах,  Боомт болон коридорын сургалт зохион байгуулах,  Гашуунсухайт боомтын тээвэр зохион байгуулалтад нэгдсэн байдлаар оролцох, Хилийн боомтын терминал, AGV төслийн гэрээ байгуулахад дэмжлэг үзүүлэх зэрэг үйл ажиллагааг хэрэгжүүлэхээр төлөвлөгөөнд тусгалаа