Ази, Номхон далайн худалдааны хэлэлцээрийн Худалдаа аж үйлдвэрийн танхимын Удирдлагуудын уулзалт боллоо

2024/01/23 0

Ази, номхон далайн худалдааны хэлэлцээрийн Худалдаа аж үйлдвэрийн танхимын Удирдлагуудын уулзалт БНХАУ-ын Ченду хотноо 2024 оны 1 дүгээр сарын 22-23-ны өдрүүдэд зохион байгуулагдлаа.

АНДХХ-ийн ХАҮТ-д Монгол Улс, БНХАУ, БНСУ, БНЭУ, Шри Ланка, Бангладеш, Лаос Улсын Худалдаа аж үйлдвэрийн танхимууд гишүүнээр байдаг бөгөөд энэ удаагийн арга хэмжээнд Монгол Улсаас МҮХАҮТ-ын Дэд захирал Ц.Магнайбаатар, Монгол Улсаас БНХАУ-д суугаа элчин сайдын яамны Худалдааны төлөөлөгч, зөвлөх Ц.Түмэнбаяр, ЭЗХЯ-ны харьяа ХОХГ-ын Дотоод аудит, хяналт шинжилгээний газрын дарга Б.Батбаяр, МҮХАҮТ-ын Бодлого стратегийн газрын ахлах мэргэжилтэн Э.Бадамхорол нар оролцлоо.

Энэхүү уулзалтын хүрээнд “Ази Номхон далайн ногоон эдийн засгийн тойргийг байгуулах, ногоон хөгжлийг дэмжих ирээдүйн чиг хандлага” сэдэвт Ази номхон далайн аж үйлдвэрийн болон худалдааны хамтын ажиллагааны хөгжлийн форум, БНХАУ 27 дугаар New Year Shopping Festival, Ази номхон далайн бараа бүтээгдэхүүний үзэсгэлэн зэрэг арга хэмжээнүүд зохион байгуулагдлаа.

АНДХХ-ийн ХАҮТ-ын гишүүн орнуудын Удирдлагуудын уулзалтаар баримтлах зарчим, бодлогын баримт бичиг, 2024 онд зохион байгуулах арга хэмжээний төлөвлөгөө болон 2024-2028 оны үйл ажиллагааны талаар хэлэлцлээ.

Ази номхон далайн аж үйлдвэрийн болон худалдааны хамтын ажиллагааны хөгжил форумд МҮХАҮТ-ын Дэд захирал Ц.Магнайбаатар хэлсэн үгэндээ 2022 онд Монгол Улс Ази номхон далайн хил дамнасан Цаасгүй худалдааны хэлэлцээрт нэгдэн орсон, АНДХХ-ийн Худалдаа аж үйлдвэрийн танхимын гишүүн орнуудын хувьд Гарал үүслийн гэрчилгээг цахимаар солилцох нөхцөлийг бүрдүүлэн хил дамнасан цаасгүй худалдааг дэмжих, хөнгөвчлөхөд чиглэсэн хамтарсан төсөл хөтөлбөр хэрэгжүүлэх нь чухал гэдгийг онцлов.

АНДХХ-ийн ХАҮТ-аас 2024-2028-онд хэрэгжүүлэх дараах зургаан томоохон төслүүдийн талаар танилцуулга хийлээ. Цаашид эдгээр төслүүдийг хэрэгжүүлэхэд МҮХАҮТ нь гишүүн байгууллагын хувьд хамтран ажиллана.