МҮХАҮТ-ЫН ЕРӨНХИЙЛӨГЧ Д.ЭНХТҮВШИН МОНГОЛЫН БАНК БУС САНХҮҮГИЙН БАЙГУУЛЛАГУУДЫН ХОЛБООНЫ ТӨЛӨӨЛЛИЙГ ХҮЛЭЭН АВЧ УУЛЗЛАА

МҮХАҮТ ерөнхийлөгч Д.Энхтүвшин МББСБ-уудын холбооны төлөөллийг хүлээн авч уулзан банк бус санхүүгийн байгууллагуудын нөхцөл байдал, тулгарч буй хүндрэл бэрхшээл, цаашдын хамтын ажиллагааны талаар санал солилцов.

Мөн Худалдаа, Аж Үйлдвэрийн Танхимын тухай хуулийн шинэчилсэн найруулгын төслийн талаар болон хууль шинэчлэгдсэнээр бизнес эрхлэгчдийн нийтлэг эрх ашигт үзүүлэх үр нөлөөний тухай танилцуулав.

Талууд  дараах чиглэлээр хамтран ажиллах талаар тохиролцлоо.

• Бизнес эрхлэгчдэд санхүүгийн сургалт зохион байгуулах, зөвлөгөө мэдээлэл хүргэх
• Финтект суурилсан санхүүгийн бүтээгдэхүүн үйлчилгээгээр бичил, жижиг, дунд бизнес эрхлэгчдийг дэмжин ажиллах
• Тус салбарын холбогдох хууль тогтоомж, шийдвэр, дүрэм, журамд салбарын бизнес эрхлэгчдийн нийтлэг эрх ашгийг илэрхийлэн тусгуулах
• МББСБ-уудын холбоо нь 2002 онд үүсгэн байгуулагдаж, 220 гаруй ББСБ-уудыг сайн дураар нэгтгэсэн, ардчилсан засаглалтай, бие даасан төрийн бус байгууллага бөгөөд гишүүдийн нийт актив салбарын 80 гаруй хувийг эзэлж байна.