Оны Онцлох аж ахуйн нэгж Эрдэнэт үйлдвэртэй танилцах бизнес аялал болж байна
МҮХАҮТ-ын гишүүд Оны Онцлох аж ахуйн нэгж Эрдэнэт үйлдвэртэй танилцах бизнес аялал болж байна. Энэхүү аялалд нийт 13 байгууллагын 20 төлөөлөгч оролцож байна.
Эрдэнэт Үйлдвэр ТӨҮГ-ын Ерөнхий захирлын нэгдүгээр орлогч - Ерөнхий инженер Т. Батмөнх МҮХАҮТ-ын гишүүдийн төлөөллийг хүлээн авч уулзан үйлдвэрийн үйл ажиллагааны өнөөгийн болон хэтийн төлөв байдлыг танилцуулж байна.
Эрдэнэт үйлдвэр нь урьдчилсан байдлаар 2019 онд 700 тэрбум орчим төгрөгийг улсын төсөвт төвлөрүүлэх төлөвтэй байгаа нь өмнөх оноос даруй 35 гаруй хувиар өссөн үзүүлэлт юм.
МҮХАҮТ-ын 2018 оны Онцлох аж ахуйн нэгж "Эрдэнэт Үйлдвэр" ТӨҮГ-тай танилцах аяллын хүрээнд бизнес эрхлэгчид Ил уурхай, Баяжуулах үйлдвэр болон Засвар механикын заводтай танилцлаа.
Эрдэнэт үйлдвэр нь ил уурхайн үйл ажиллагаандаа МicroMine компанийн Pitram хяналтын системийг 2017 оноос нэвтрүүлэн нарийвчилсан хяналтын тогтолцоог бий болгосон бөгөөд тус системийг бүрэн ашиглаж буй Монголын цорын ганц уурхай юм.
Түүнчлэн Засвар механикийн заводын үйл ажиллагааг өргөжүүлж уул уурхайн тоног төхөөрөмжийн эд анги болон бусад метал бэлдэц зэрэг импортыг орлох бүтээгдэхүүнийг дотоод нөөц бололцоондоо тулгуурлан үйлдвэрлэж, өөрсдийн хэрэгцээг хангаад зогсохгүй захиалгаар нийлүүлэн ажиллаж байгаа аж.
