“МОНГОЛ УЛСЫН ТЭЭВЭР ЛОГИСТИКИЙН ХӨГЖЛИЙН ЧИГ ХАНДЛАГА” ХЭЛЭЛЦҮҮЛЭГ БОЛЛОО
Монгол улсын тээврийн салбарыг Азийн тээвэр логистикийн чиг хандлагатай уялдуулан, зэрэгцэн хөгжих боломж, Төр хувийн хэвшлийн түншлэлийн хамтын ажиллагааг сайжруулах, технологи, инновац, хөрөнгө оруулалт, импортын ачаа тээвэрлэлтэд тулгамдаж буй асуудлын талаар салбарын бизнес эрхлэгчид хэлэлцүүлэг хийв.
Хэлэлцүүлэгт Жайка-гийн Монгол дахь төлөөлөгчийн газрын дарга Танака Шиничи, МҮХАҮТ-ын дэргэдэх Худалдааг хөнгөвчлөх, тээвэр логистикийн зөвлөлийн дарга Б.Тэлэнгэд, МҮХАҮТ-ын Ерөнхий нарийн бичгийн дарга С.Баясгалан нар үг хэлж, илтгэл тавилаа.
Төрийн зүгээс мэргэжлийн тээвэр зуучийн байгууллагууд, нэгдсэн холбоодтой хамтран ажиллаж боомтуудын тоог нэмэгдүүлэн авто замын дэд бүтцээ сайжруулбал энэ салбарт маш том хэмжээний боломж гарна гэдгийг оролцогчид хэлж байв.
