ҮНДЭСНИЙ ЧАНАРЫН ШАГНАЛД МАТЕРИАЛ АВЧ БАЙНА
Монгол Улсын Засгийн Газрын тохируулагч агентлаг Стандарт, Хэмжил Зүйн Газар, Монголын Үндэсний Худалдаа Аж Үйлдвэрийн Танхим хамтран 2015 оноос “Үндэсний чанарын долоо хоног” арга хэмжээг жил бүр уламжлал болгон зохион байгуулж чанар, стандартаар тэргүүлэгч БАЙГУУЛЛАГА, БҮТЭЭГДЭХҮҮН, ҮЙЛЧИЛГЭЭГ шалгаруулан “ҮНДЭСНИЙ ЧАНАРЫН ШАГНАЛ”-ыг олгодог билээ.
Энэхүү шагналын ЗОРИЛГО НЬ: Хэрэглэгчдийг чанартай, аюулгүй, баталгаатай бүтээгдэхүүн үйлчилгээгээр хангах, үндэсний үйлдвэрийн бүтээгдэхүүний өрсөлдөх чадварыг сайжруулах, экспортыг нэмэгдүүлэх, импортыг орлох бүтээгдэхүүн үйлдвэрлэх чиглэлээр ажиллаж тодорхой үр дүнд хүрсэн, бүтээгдэхүүн үйлчилгээндээ холбогдох мэргэжлийн байгууллагаас олгосон тохирлыг илэрхийлэх гэрчилгээ, дүгнэлт, зөвшөөрлийг гаргуулсан ба үйл ажиллагаандаа чанар, байгаль орчин, хүнсний аюулгүй байдлын болон бусад удирдлагын тогтолцоог амжилттай нэвтрүүлж хэрэгжүүлсэн, компанийн нийгмийн хариуцлагыг хэрэгжүүлэгч аж ахуйн нэгж, байгууллагыг шалгаруулан олон нийтэд сурталчлан таниулах, алдаршуулах, тэргүүн туршлагыг түгээн дэлгэрүүлэхэд оршино.
ШАЛГАРУУЛАЛТ:
- Шилдэг Аж ахуйн нэгж, байгууллага
- Шилдэг Бүтээгдэхүүн
- Шилдэг Үйлчилгээ гэсэн гурван төрлөөр шалгаруулж “ҮНДЭСНИЙ ЧАНАРЫН ШАГНАЛ”-ын ЦОМ, БАТЛАМЖ олгоно.
Шалгаруулалтад тавьсан шаардлагын дагуу холбогдох материалаа бүрдүүлж 2023 оны 11 дүгээр сарын 02-ний өдрийн 17.00 цагаас өмнө доорх хаягаар ирүүлнэ үү.
Хавсралт хүснэгтийг татах: Материал ирүүлэх хавсралт
Шалгаруулалтын материал хүлээн авах хаяг:
1.Монгол улс, Улаанбаатар хот, Стандарт, хэмжил зүйн газрын төв байр
Утас: 261631, 91619393, 99269392
Цахим шуудан: dashdulam@masm.gov.mn, nerguisaikhan@masm.gov.mn
2.Монголын Үндэсний Худалдаа Аж Үйлдвэрийн Танхим - Гишүүнчлэлийн газар 305 тоот
Утас: 77277070(2), 90802244
Цахим шуудан: membership@mongolchamber.mn
Шагнал гардуулах ёслолын ажиллагаа 2023 оны 11-р сарын 7-нд болно. Оролцох бол бүртгүүлнэ үү.