Шинэ гишүүдэд гэрчилгээ гардууллаа
2023 оны гурав дугаар улиралд МҮХАҮТ-д шинээр элссэн 60 гаруй аж ахуйн нэгжид МҮХАҮТ-ын Орлогч дарга Ц.Магнайбаатар гишүүний гэрчилгээг гардууллаа.
Энэ үеэр Монголын Олон Улсын Арбитрын Хуулийн мэргэжилтэн Ө.Бат-Эрдэнэ “Арбитрын ерөнхий ойлголт”, МҮХАҮТ-ын дэргэдэх “Бизнес академийн танилцуулга”-ийг тус академийн захирал Д.Асралт мөн Бизнесийн ёсзүйн төвийн танилцуулгыг БЁЗТ-ийн Менежер Г.Дэмчигням нар бүтээгдэхүүн үйлчилгээнийхээ танилцуулгыг хийлээ.
MYXAYT-ын гишүүн болсноор Танхимаас зохион байгуулж буй арга хэмжээнүүдэд оролцох, бизнесийн түншлэлээ өргөжүүлэх, ААН-үүдийн үндэсний хэмжээний мэдээллийн нэгдсэн сүлжээ www.trademongolia.mn-д мэдээлэл, үйл ажиллагаа, бүтээгдэхүүнээ байршуулж, сурталчлах боломжтой. Түүнчлэн гишүүнчлэлийн ангиллаас хамаарч, MYXAYT-aac үзүүлдэг үйлчилгээнүүдэд хөнгөлөлт эдэлдэг.
Шинэ гишүүддээ баяр хүргэж, бизнесийн их ажил үйлсэд нь өндрөөс өндөр амжилт хүсье.