Хуурай бие засах газрыг орон нутагт амжилттай хэрэгжүүлсэн компани "Ногоон Буудал" боллоо

МҮХАҮТ-ын Платинум гишүүн “Out of Now Here” компанийн Sweet Gobi болон Ursa Major геолож Танхимаас олгодог "Ногоон буудал" гэрчилгээ гардлаа. “Out of Now Here” компани нь 2007 онд үүсгэн байгуулагдсан ба Монголын анхны орон нутагт төвлөрсөн буудлуудын сүлжээ брэнд жуулчны бааз юм.

Мөн байгальд ээлтэй геоложуудыг хамгийн анх удаа Монгол улсад нэвтрүүлж чадсан аж. “Эко геоложуудын нэн бахархдаг үзэл санаа бол ус хэмнэх, хуурай бие засах газрыг хөдөө орон нутагт амжилттай хэрэгжүүлж чадсанд оршдог. Манай геоложийн Степ Спа үйлчилгээ нь нэг хүн усанд орохдоо 30-80 литр ус хэрэглэдгийг 3 литр болгон багасгаж чадсан нь биднийг байгаль ээлтэй ногоон буудал гэдгийн тод жишээ болно” хэмээн Out of Now Here” компанийн захирал Ж.Соёлмаа онцоллоо.