"Улаанбаатар Түншлэл-2023" Олон улсын үзэсгэлэн яармагийг 48 дахь жилдээ зохион байгуулна

МҮХАҮТ, НЗДТГ, Нийслэлийн бизнес инноваци хөгжлийн газар хамтран "Улаанбаатар Түншлэл-2023" Олон улсын үзэсгэлэн яармагийг 48 дахь жилдээ 9 дүгээр сарын 28-наас 10 дугаар сарын 1-ний өдрүүдэд Мишээл экспо төвд зохион байгуулна.

Үзэсгэлэнд Бүгд Найрамдах Беларус Улсаас 7, Оросын Холбооны улсаас 20 гаруй, БНХАУ-ын Ляонинь мужийн 30 гаруй бизнес эрхлэгч оролцож, Монголын ААН-үүдэд бүтээгдэхүүн, үйлчилгээгээ танилцуулан, хамтран ажиллах түнш хайж байна.

Мөн дотоодын томоохон 40 гаруй ААН оролцоно.

Үзэсгэлэнд Беларус Улсын Минск хотын сүүний №1 үйлдвэр, ОХУ-ын хүнсний шилдэг үйлдвэр "Окинск" зэрэг томоохон ААН-үүдээс гадна нийт 60 гаруй олон улсын ААН оролцоно.

• ХАА: Био бордоо, Органик хог хаягдлыг боловсруулах бэлдмэл, Ургац хураагч комбайнууд, Бүх төрлийн ХАА-н тоног төхөөрөмж, Ачааны, зорчигч тээврийн, чиргүүлийн, тусгай техник, микроавтобус, электробус
• Барилга: Барилгын материал, Гипс хавтан, Фанер, Хөөс, Дамжуулах хоолойн эд анги, LED гэрэлтүүлгийн үйлдвэрлэл
• Хүнс: Жимс, жимсгэнэ, түүгээр хийсэн бүтээгдэхүүн, Зөгийн балны үйлдвэрлэл, Ойн жимсний үйлдвэрлэлийн бүтээгдэхүүн, Тосны ургамлын үр тариа (Маалинга, Рапс)-ны бүтээгдэхүүн, Өндөг, сүү, сүүн бүтээгдэхүүн, бяслаг, цөцгийн тос, мах, махан бүтээгдэхүүн, Чихэр
• Хөнгөн үйлдвэр: Бугын үслэг эдлэлээр хийсэн гутал, Халуун хадгалах сав, Гэр ахуйн хэрэгсэл
• Эрүүл мэнд: Мал эмнэлгийн эмийн сангийн сүлжээ, Байгаль нуурын давирхай гэх мэт бүтээгдэхүүнүүд түнш, хэрэглэгчдээ хайж байна.

Та бүхнийг Мишээл экспо төвд өргөнөөр хүрэлцэн ирж, үзэсгэлэнтэй танилцахыг урьж бна.

Холбоо барих:

МҮХАҮТ, Үзэсгэлэн яармагийн газар
Утас: 99036193, 83001109