Аж ахуйн нэгжүүдийн ханган нийлүүлэлт, худалдаа, эдийн засаг хөрөнгө оруулалтын бизнес уулзалт боллоо
МҮХАҮТ, БНХАУ-ын ӨМӨЗО-ын Худалдааг Дэмжих Хороо хамтран “Аж ахуйн нэгжүүдийн ханган нийлүүлэлт, худалдаа, эдийн засаг, хөрөнгө оруулалтын бизнес уулзалт”-ыг зохион байгууллаа.
БНХАУ-ын ӨМӨЗО-ы бизнес форумд БНХАУ-ын Бугат хотоос эрчим хүчний технологи, үйлдвэрлэлийн “Шуанлянь”, “Хойд нутгийн газрын ховор элементийн групп, “Бугат ган төмрийн групп, Хөх хотоос био эмийн бүтээгдэхүүн үйлдвэрлэлийн “Жинью Баолин”, Хөлөнбуйр хотын Монгол анагаах ухааны эмнэлэг, эм, эмнэлгийн олон улсын солилцоо, хамтын ажиллагааны төв, Тунляо хотоос А"дис Монгол эм", Улаанцав хотын балт чулуун технологийн “Шинюань”, “Лутон трейд", Баяннуур хотын “Гуан Зи” технологийн зэрэг 60 гаруй компани, ААН-ийн төлөөлөл оролцож, Монголын компаниудад үйл ажиллагаа, бизнесийн харилцаа, хамтын ажиллагаагаа танилцуулж В2В уулзалт зохион байгуулав.
МҮХАҮТ-ын Ерөнхийлөгч Д.Энхтүвшин нээлтийн үеэр үг хэлэхдээ "Манай хоёр улс түүхэн уламжлалт найрсаг харилцаа, бизнесийн өргөн хамтын ажиллагаатай бөгөөд сүүлийн жилүүдэд бизнесийн шинэ боломжууд бий болж, олон салбарт хамтын ажиллагаа эрчимжин, гадаад худалдаа, хамтын харилцаа улам өсөн нэмэгдэж байна" гэв.
ӨМӨЗО-ы Олон улсын худалдааг дэмжих зөвлөлийн дэд ерөнхийлөгч Мяо Зэнвэй "Энэ онд Монгол Улс, БНХАУ-ын хооронд дипломат харилцаа тогтоосны 74 жилийн ой, Хятад улсын дэвшүүлэн тавьсан “Нэг бүс-нэг зам” санаачилгын 10 жилийн ой тохиож байна. Хоёр орны хоорондох худалдааны эргэлт 12.5 тэрбум ам.долларыг даваад буй." Мөн худалдааны эргэлт өнгөрсөн оныхоос 34 хувиар нэмэгдснийг тэрбээр тодотгов.
