“Хөрөнгө оруулалтын орчин: Тогтвортой байдал” сэдэвт олон улсын бага хурал Шангри Ла зочид буудалд болж байна

Монголбанк, Олон улсын санхүүгийн корпораци, Үндэсний хөгжлийн газраас хамтран зохион байгуулж байгаа уг хуралд МҮХАҮТ-ын дарга Т.Дүүрэн панелистаар оролцож, Монголын бизнесийн орчинд тулгарч буй сорилтуудын талаар оролцогчдын сонирхсон асуултад хариулт өгч байна.

Уг хурлаар бодлого боловсруулагчид, бизнес эрхлэгчид, элчин сайдууд болон холбогдох төрийн болон ТББ-ын мэргэжилтэнгүүд гадаадын шууд хөрөнгө оруулалтыг татах, хөрөнгө оруулалтын өнөөгийн орчин тулгамдаж буй асуудлууд, бодит шийдлүүд болон бизнесийн таатай орчныг бүрдүүлэх чиглэлээр хэлэлцэж, зөвлөмж гаргах юм.