МҮХАҮТ-ын дэргэдэх Бизнесийн ёс зүйн төв болон Транспэрэнси Интэрнэншл Монгол ТББ хамтран хэрэгжүүлэх гэж буй “Бэнчмарк” хөтөлбөрийг танилцуулах уулзалт болж өнгөрлөө
Тус уулзалтад “Говь ХК” “Монгол Даатгал ХК” “Вэлл бий ХХК” “Эрчим сүлжээ ХХК” “Грэйт Хаан Групп” “Мөнх халдун тэнгэр ХХК”, СЭЗИС зэрэг 20 орчим хувийн хэвшлийн аж ахуйн нэгж болон их сургуулиудын төлөөллүүд оролцлоо.
Транспэрэнси интэрнэншл ТББ – ын ТУЗ – ийн дарга Л.Төр-Од, мөн гүйцэтгэх захирал Э. Мөнхжаргал нар Бэнчмарк хөтөлбөрийн талаар танилцууллаа.
Бэнчмарк хөтөлбөр нь Транспэрэнси Интэрнэншл ТББ – ын Их Британи улс дах салбар анхлан санаачилж зохион бүтээсэн вэб суурьтай, корпорац болон компанийн өөрийн эрсдэлээ үнэлэх, интерактив платформ юм. Тус платформ нь олон улсын хэмжээнд томоохон корпорац болон компаниудын түвшинд өргөн ашиглагдаж байгаа бөгөөд тус хөтөлбөрт хамрагдаж буй байгууллагууд эрсдэлээ тодорхой түвшинд бууруулах замаар засаглалаа бэхжүүлэн орлого ашгаа нэмэгдүүлж амжилттай ажиллаж байна.
Уулзалтад оролцогчид байгууллага аж ахуйн нэгж дээрээ комплаенсын чиглэлээр хэрэгжүүлж буй туршлагаасаа хуваалцан мэдээлэл солилцон “Бэнчмарк” хөтөлбөрийн ач холбогдлыг өндрөөр үнэлж хөтөлбөрт хамрагдахаар бүртгүүллээ.
Бэнчмарк хөтөлбөрийн бүртгэл үргэлжилж байгаа бөгөөд Бизнесийн ёс зүйн төвийн зүгээс хөнгөлөлттэй үнээр компаниуддаа санал болгож байна. Та бүхэн хөтөлбөрт хамрагдахыг хүсвэл businessintegrity@mongolchamber.mn; 95632021; 99091215 холбогдоно уу.
