“Жижиг, дунд үйлдвэрийн бүтээгдэхүүн, үйлчилгээ, технологи” олон улсын үзэсгэлэн зохион байгуулагдаж байна
МҮХАҮТ нь Монгол Улсын Засгийн Газрын хэрэгжүүлэгч агентлаг Жижиг, дунд үйлдвэрийн газартай хамтран 25 дах удаагийн “Жижиг, дунд үйлдвэрийн бүтээгдэхүүн, үйлчилгээ, технологи” олон улсын үзэсгэлэнг Мишээл экспод 2023 оны 6-р сарын 15-18-ны өдрүүдэд зохион байгуулж байна.
Үзэсгэлэнд нийт 100 гаруй дотоодын үйлдвэрлэгч, импортлогчид шинэ бүтээгдэхүүнээ хэрэглэгчидэд сурталчлан танилцуулж, хямдралтай, урамшуулалтай худалдаа явуулж байна.
Мөн БНХАУ-аас бизнес эрхлэгчид хүрэлцэн ирж олон олон сонирхолтой бараа бүтээгдэхүүнээ Монголын хэрэглэгчдэд санал болгож байна.
Энэ удаагийн үзэсгэлэнг Америкийн олон улсын хөгжлийн агентлагаас санхүүжилттэй БЕСТ хөтөлбөр дэмжин оролцлоо.
6-р сарын 18-ныг дуустал 4 хоногийн турш үзэсгэлэнд БЭЛЭГТЭЙ, СУГАЛААТАЙ павильон ажиллах тул Та бүхэн өргөнөөр хүрэлцэн ирж бэлгээ аваарай.
