United Nations Responsible Business and Human Rights Forum2023 From COMMITMENT to ACTION
Тайландын Бангкок хотноо 2023 оны 6-р сарын 6-9-ний өдрүүдэд зохион байгуулагдсан НҮБ-ын “ХАРИУЦЛАГАТАЙ БИЗНЕС, ХҮНИЙ ЭРХ” - ийн форумд МҮХАҮТ- ыг төлөөлж Бизнес Академийн захирал Д.Ерөө оролцлоо. Тус хурлаар Монгол улсад хэрэгжүүлж буй НҮБ-ын Бизнес ба Хүний эрх глобал төслийн хамтын ажиллагааны хүрээнд хэрэгжүүлж буй сургалт үйл ажиллагааны талаар танилцууллаа.
Ази, Номхон далайн бүсийн өргөн хүрээний оролцогч талуудыг хамарсан тус форумаар дэлхийн ханган нийлүүлэлтийн сүлжээг зохицуулах, аж ахуйн нэгжийн тогтвортой байдлыг шалгах, уур амьсгалаас үүдэлтэй хөдөлмөрийн шилжилт хөдөлгөөн, хүүхдийн эрх, хөгжлийн санхүүжүүлэгчдийн үүрэг хариуцлага, ХАРИУЦЛАГАТАЙ БИЗНЕСИЙН туршлага, компанийн нийгмийн хариуцлагыг дээшлүүлэх талаар бүтээлч яриа хэлэлцээр хийж, сайн туршлагуудаа хуваалцав.
Форумаас эдийн засгийг өөрчлөх, хариуцлагатай бизнес эрхлэх, хүн бүрд илүү хүртээмжтэй, тогтвортой ирээдүйг бий болгох хүчин чармайлтаа эрчимжүүлэхийг, бүх түвшний оролцогч талуудад АМЛАЛТАА АЖИЛ ХЭРЭГ болгохыг уриаллаа. МҮХАҮТ-ын Бизнес академи хариуцлагатай, ёс зүйтэй бизнес эрхлэх НҮБ-ын санаачилгыг тууштай дэмжин сургалтын хөтөлбөрийн агуулга, үйл ажиллагаагаараа мэдээлэл, мэдлэгийг түгээх, оролцогч талуудтай хамтын ажиллагаагаа бэхжүүлэхээр төлөвлөж байна.
