(+976) 7727-7070
info@mongolchamber.mn
08:30 - 17:30
Ажлын цаг

Гурван улсын Танхимууд бүтээн байгуулалтын томоохон төслүүдийн хамтарсан хөрөнгө оруулалтыг дэмжин ажиллахаар тохиролцов

2023/06/12 0

Монгол-Хятад-Оросын ХАҮТ-уудын Худалдаа, эдийн засгийн XVI чуулган ийнхүү өндөрлөлөө. Энэ удаагийн чуулган “Улс хоорондын эдийн засгийн харилцааг дэмжихэд ХАҮТ-уудын оролцоо”, “Монгол, Хятад, Оросын хөрөнгө оруулалтын боломжууд, хамтын ажиллагаа” үндсэн хуралдаан, “Монгол, Хятад, Оросын чөлөөт бүсүүдийн хамтын ажиллагааг хөгжүүлэх боломж, гарц, шийдэл”, “Монгол, Хятад, Оросын хөдөө аж ахуйн салбарын худалдааны нөхцөл байдал”, “Уул уурхай, хүнд үйлдвэрийн салбар дахь хамтын ажиллагаа, “Барилга, дэд бүтцийн салбар дахь хамтын ажиллагааны боломжууд” салбар хуралдаануудад ОХУ-ын ХАҮТ-ын Ерөнхийлөгч Катырин Сергей Николаевич, БНХАУ-ын ОУХДХ-ны орлогч дарга Жан Шао Ган болон бусад ХАҮТ-уудын удирдлагууд, бизнес эрхлэгчдийн нийт 600 гаруй төлөөлөл оролцов.

Гурван улсын бизнес эрхлэгчдийн зүгээс Монгол Улсын 6 аж ахуйн нэгж, БНХАУ-ын 4 аж ахуйн нэгж, ОХУ-ын 3 аж ахуйн нэгж өөрсдийн төслөө танилцуулж, бизнес уулзалтуудыг зохион байгууллаа.

Чуулганы хүрээнд МҮХАҮТ, орон нутгийн салбар танхимууд Орос, Хятадын холбогдох Танхимууд хооронд хамтран ажиллах 50 гаруй санамж бичиг, Монгол, Хятадын 3 компани гэрээ байгуулан, хамтран ажиллахаар тогтов.

Нэгдсэн чуулганд Монгол Улсын төр засгийн байгууллагууд өндөр ач холбогдол өгч ХХААХҮ-ийн сайд Х.Болорчулуун, Зам, тээврийн хөгжлийн сайд С.Бямбацогт, Эдийн засгийн хөгжлийн дэд сайд Г.Түвдэндорж нар болон төрийн эрх бүхий байгууллагуудын төлөөллүүд оролцсон юм.

Арбитрын шийдвэрийг харилцан хэрэгжүүлэх талаар гурван улсын арбитрын байгууллагуудын төлөөллийн уулзалт зохион байгуулагдаж, гурван улсын Худалдаа, аж үйлдвэрийн танхимын дэргэдэх Арбитрын байгууллагуудын хоорондын нягт хамтын ажиллагааг тасралтгүй үргэлжлүүлэх, Монгол Улс, БНХАУ, ОХУ-ын гадаад арбитрын бүрэлдэхүүнд тус тусын харъяат арбитрчдыг оруулах талаар хөхиүлэн дэмжих, гурван талт түншлэлийн санамж бичиг байгуулахаар тохирлоо.

Монгол, Хятад, Орос гурван улс хоорондын худалдаа, эдийн засгийн харилцаанд тулгамдаж буй асуудлыг хурдан шуурхай шийдвэрлэх, хөрөнгө оруулалтыг нэмэгдүүлж, бизнес эрхлэх таатай орчныг бүрдүүлэхийн тулд ХАҮТ-ууд хамтын ажиллагаагаа шинэ шатанд гаргаж, тус тусын төрийн байгууллагуудтай хамтран ажиллах нь чухал ач холбогдолтой гэдгийг МҮХАҮТ-ын Ерөнхийлөгч О.Амартүвшин чуулганыг хааж хэлсэн үгэндээ онцлов.

Гурван улсын ХАҮТ-уудын Худалдаа, эдийн засгийн XVII чуулга уулзалтыг 2024 онд БНХАУ-ын Олон улсын худалдааг дэмжих хороо зохион байгуулна.

Сүүлд нэмэгдсэн мэдээ
2023 ОНЫ ХҮНИЙ ЭРХИЙН ӨДӨРТ ЗОРИУЛЖ МҮХАҮТ-ЫН ЕРӨНХИЙЛӨГЧ Д.ЭНХТҮВШИНГИЙН ХЭЛСЭН ҮГ
2023/12/08
ШИНЭ ЖИЛИЙН ӨНГӨ НЭМЖ ОРЛОГОО НЭМЭГДҮҮЛЬЕ, БАЯРЫН ХУДАЛДААГ СЭДЭЛЖҮҮЛЖ ЭРЭЛТИЙГ НЭМЭГДҮҮЛЬЕ
2023/12/07
МҮХАҮТ-ЫН ЕРӨНХИЙЛӨГЧ Д.ЭНХТҮВШИН МОНГОЛЫН БАНК БУС САНХҮҮГИЙН БАЙГУУЛЛАГУУДЫН ХОЛБООНЫ ТӨЛӨӨЛЛИЙГ ХҮЛЭЭН АВЧ УУЛЗЛАА
2023/12/07
БИЗНЕСИЙН ЁС ЗҮЙ, ШУДАРГА БАЙДЛЫГ БЭХЖҮҮЛЭХ ТӨСЛИЙГ 2024 ОНД ҮРГЭЛЖЛҮҮЛЭН ХЭРЭГЖҮҮЛНЭ
2023/12/07
“МОНГОЛЫН БИЗНЕСИЙН ОРЧИН-2023” СУДАЛГААНЫ ҮР ДҮНГ ТАНИЛЦУУЛЛАА
2023/12/07
“URGANA ” БРЭНДИЙН БҮТЭЭГДЭХҮҮНД "ОРГАНИК БҮТЭЭГДЭХҮҮН" ЭКО ШОШГО ХЭРЭГЛЭХ ЭРХИЙН БИЧИГ ОЛГОЛОО
2023/12/04
Ногоон эдийн засаг-Ногоон бизнес” арга хэмжээг зохион байгууллаа
2023/12/04
МОНГОЛ-ОХУ-ЫН БИЗНЕС ЭРХЛЭГЧИДИЙН В2В УУЛЗАЛТ БОЛЛОО
2023/12/04
"Хариуцлагатай бизнес" сургалт боллоо
2023/11/28
"Нээлттэй өдөрлөг" арга хэмжээнд урьж байна
2023/11/28
“Цахим эдийн засаг дэлхийн зах зээлд гарах хөшүүрэг болох нь” хэлэлцүүлэг болж байна
2023/11/23
“Захиргааны хэм хэмжээний актын хуульд нийцсэн байдал, хоорондын уялдаа, давхардал, зөрчлийг арилгах асуудал” сэдэвт хэлэлцүүлэг боллоо
2023/11/23
Хонгконгийн “Inter Resources Company (HК)” -ийн төлөөлөгчид МҮХАҮТ-ын үйл ажиллагаатай танилцлаа
2023/11/22
Бүгд Найрамдах бангладеш Ард Улсаас Монгол Улсад хавсран суух Элчин Сайд ноён Жашим Уддиныг хүлээн авч уулзлаа
2023/11/20
“ENTREPRENEUR-2023” шалгаруулалтын материал авч эхэллээ
2023/11/19
Бүгд Найрамдах Серби Улсаас Монгол Улсад хавсран суух Элчин Сайд эрхэмсэг хатагтай Маяа Стефановичийг хүлээн авч уулзлаа
2023/11/17
Арабын Бүгд Найрамдах Сири Улсаас Монгол Улсад хавсран суух Элчин Сайд Ноён Хасанеин Хаддамыг хүлээн авч уулзлаа
2023/11/17
Эдийн засаг дахь хувийн хэвшлийн оролцоог дэмжих нь хэлэлцүүлэг Төрийн ордонд боллоо
2023/11/17
БҮГД НАЙРАМДАХ УЗБЕКИСТАН УЛСААС МОНГОЛ УЛСАД ХАВСРАН СУУХ ЭЛЧИН САЙД НОЁН ФАРХОД АРЗИЕВЫГ ХҮЛЭЭН АВЧ УУЛЗЛАА
2023/11/17
БҮГД НАЙРАМДАХ КУБА УЛСААС МОНГОЛ УЛСАД СУУГАА ОНЦ БӨГӨӨД БҮРЭН ЭРХТ ЭЛЧИН САЙД НОЁН ХОРХЕ АЛЬБЕРТО ФЕРРЕР РОДРИГЕСЫГ ХҮЛЭЭН АВЧ УУЛЗЛАА
2023/11/17