"Ханжинтранс" ХХК 10 жилийнхээ ойг тохиолдуулан УБТЗ-ын Төв эмнэлэгийн гаднах хүүхдийн тоглоомын талбайг шинэчлэн засаж тохижуулжээ

Монголын Үндэсний Худалдаа Аж Үйлдвэрийн Танхимын гишүүн "Ханжинтранс" ХХК 10 жилийнхээ ойг тохиолдуулан нийгмийн хариуцлагынхаа хүрээнд УБТЗ-ын Төв эмнэлэгийн гаднах хүүхдийн тоглоомын талбайг шинэчлэн засаж тохижуулжээ.

Ханжинтранс ХХК нь 2013 оноос олон улсын болон орон нутгийн тээвэр зуучлалын цогц үйлчилгээг тээвэрлэлтийн зах зээлийн эрэлт шаардлагад нийцүүлэн дэлхийн 80 гаран орны 300 гаруй гадаад агентийн сүлжээ, далай, төмөр зам, авто зам, агаарын тээвэрлэлт ложистикийн цогц үйлчилгээг үзүүлж ажиллаж байна. Мөн нийгмийн хариуцлагынхаа хүрээнд 2019 оноос эхлэн сайн үйлсийн аянуудыг зохион байгуулж байжээ.