“Согтууруулах ундааны хариуцлагатай үйлчилгээний сургалтын журам”, “Хариуцлагатай үйлчилгээний жишиг төлбөрийн хэмжээ”-ний төсөлд саналаа ирүүлнэ үү

Улсын Их Хурлаас 2022 оны 07 дугаар сарын 05-ны өдөр “Согтууруулах ундааны эргэлтэд хяналт тавих, архидан согтуурахтай тэмцэх тухай хууль /шинэчилсэн найруулга/ батлагдсан бөгөөд уг хуулийг 2023 оны 01 дүгээр сарын 01-ний өдрөөс эхлэн дагаж мөрдөхөөр хуульчилсан.

Тус хуулийн 25 дугаар зүйлийн 25.1 дэх хэсэгт “Согтууруулах ундаагаар үйлчлэх тусгай зөвшөөрөл эзэмшигчийн бусдад үйлчлэх үүрэг бүхий ажилтан нь согтууруулах ундааны хариуцлагатай үйлчилгээний сургалтад хамрагдсан байна.” гэж, мөн зүйлийн 25.4 дэх хэсэгт “Энэ хуулийн 25.2 дахь хэсэгт заасан хариуцлагатай үйлчилгээ явуулах журам, хариуцлагатай үйлчилгээний жишиг төлбөрийн хэмжээг хууль зүйн асуудал эрхэлсэн Засгийн газрын гишүүн батална.” гэж тус тус заасны дагуу Хууль зүй, дотоод хэргийн яамнаас дээрх журмын төслийг боловсруулан санал авахаар ирүүлсэн.

Бизнес эрхлэгч та бүхэн тус журмын төсөлтэй танилцаж нэмэлтээр оруулах болон, өөрчлөх шаардлагатай саналуудаа policy@mongolchamber.mn и-мэйл хаягаар 2022 оны 11 дүгээр сарын 21-ний дотор ирүүлнэ үү.

Хавсралтаар журмын төслийг хавсаргав.

Холбоо барих:

МҮХАҮТ-ын Бодлого, стратегын газрын мэргэжилтэн Г.Хулан
Утас: 77277070/43/, 90903288