Жакартад болох олон улсын үзэсгэлэнд оролцохыг урилаа

2019/10/16 0

Бүгд Найрамдах Индонез улсын Гадаад хэргийн яамны Зүүн Ази, номхон далайн бүс хариуцсан газрын дарга ноён Д. Санто, тус газрын элчин зөвлөх С.А.Тжоки, БНИУ-ын Бээжин хот дахь элчин сайдын яамны элчин зөвлөх С.Т.Рукмини нар МҮХАҮТ-ын дарга Т.Дүүрэнтэй уулзлаа.

Уулзалтаар хоёр байгууллагын цаашдын хамтын ажиллагааг өргөжүүлэн хөгжүүлэх, мөн хоёр орны эдийн засгийн хөгжлийн тулгуур болсон бизнес эрхлэгчдийн хамтын ажиллагааг дэмжин ажиллахаар ярилцлаа.

Уулзалтын үеэр БНИУ-ын талаас хэд хэдэн арга хэмжээний мэдээлэл хүргүүлсэн. Тухайлбал,

БНИУ-ын Жакарта хотод 2019 оны 10-р сарын 16-20-ны хооронд 34 дэх удаагийн “Олон улсын үзэсгэлэн” зохион байгуулагдана.
Монгол- БНИУ-ын “Бизнес уулзалт”-ыг Монгол Улсад 2019 оны 11 дүгээр сард зохион байгуулахаар төлөвлөж байна.
2020 оны 5-р сард “Halal Food Summit” чуулган, уулзалт зохион байгуулахаар төлөвлөж байгаа бөгөөд Монголын аж ахуй нэгжүүдийг өргөнөөр оролцохыг урилаа.