ФРАНЦЫН ТАНСАГ ЗЭРЭГЛЭЛИЙН BACCARAT БРЭНДЭЭС ХАМТАРЧ АЖИЛЛАХ САНАЛ
Монголын Үндэсний Худалдаа Аж Үйлдвэрийн Танхимд (МҮХАҮТ) Францын тансаг зэрэглэлийн Baccarat брэндээс Монгол Улсын зах зээлд хамтын ажиллагаа хөгжүүлэх хүсэлт ирүүлээд байна.
Baccarat нь 1764 онд байгуулагдсан Францын тансаг хэрэглээний брэнд бөгөөд өндөр чанартай болор бүтээгдэхүүн, гар урлалын өв уламжлал, дээд зэрэглэлийн дизайн шийдлээрээ дэлхийд танигдсан брэнд юм. Тус брэнд нь гэр ахуйн тансаг хэрэглээ, интерьер, бэлэг дурсгалын бүтээгдэхүүн болон онцгой арга хэмжээний шийдлүүдээрээ алдартай.
Дэлгэрэнгүй мэдээлэл: Baccarat Official Website
Тус компани нь Монгол Улсад түгээлтийн сувгаа өргөжүүлэх хүрээнд тансаг хэрэглээ, гэр ахуй, премиум жижиглэн худалдаа болон загварын салбарт туршлагатай орон нутгийн хамтрагч, дистрибьютер байгууллагуудтай хамтран ажиллах сонирхолтой байгаагаа илэрхийлсэн болно.
Иймд дээрх чиглэлээр үйл ажиллагаа явуулдаг, хамтын ажиллагаа сонирхож буй гишүүн байгууллагууд дараах хаягаар шууд холбогдох боломжтой:
Холбоо барих:
Vanessa Kaczorowski
Бизнес хөгжүүлэлт, маркетингийн ажилтан
Email: raymond.cheung@baccarat.fr
