Бараа бүтээгдэхүүний ангилал, кодыг барааг тодорхойлох, кодлох уялдуулсан систем (БТКУС)-ийн дагуу тодорхойлоход тулгарч буй асуудлаар саналаа ирүүлнэ үү
Монгол Улсын Засгийн газрын "Экспортыг нэмэгдүүлэх талаар авах зарим арга хэмжээний тухай" 2025 оны 08 дугаар сарын 20-ны өдрийн 51 дүгээр тогтоолын 4 дэх заалт болон Монгол Улсын Тэргүүн шадар сайд бөгөөд Эдийн засаг, хөгжлийн Сайдын баталсан "Уул уурхайн бус экспортыг нэмэгдүүлэх ажлын дэд хэсгийн үйл ажиллагааны төлөвлөгөө"-ний хэрэгжилтийг хангах зорилгоор ГЕГ-аас холбогдох төрийн эрх бүхий байгууллагууд болон МҮХАҮТ-тай хамтран ажиллаж байна.
Монгол Улсаас бусад оронтой байгуулсан 2 талт, олон талт Чөлөөт худалдааны болон Эдийн засгийн түншлэлийн хэлэлцээрт заасан хөнгөлөлтийг дотоодын худалдаа эрхлэгчид ашиглах боломжийг нэмэгдүүлэх, тэдний үйл ажиллагааг дэмжих, барааны худалдааг нэмэгдүүлэх, гадаад худалдааг хөнгөвчлөх зорилгоор экспортод гаргах бараа, бүтээгдэхүүний ангилал, кодыг БТКУС-ийн дагуу тодорхойлоход тулгарч байгаа хүндрэл бэрхшээлийг шийдвэрлэх, БТКУС-д үндэслэсэн гадаад худалдааны барааны ангиллын жагсаалтад нэмэлт, өөрчлөлт оруулах хэрэгцээ шаардлагыг судлан, МҮХАҮТ-аас бизнес эрхлэгчдийн саналыг нэгтгэн холбогдох төрийн эрх бүхий байгууллагуудад хүргүүлнэ.
Иймд бизнес эрхлэгчид Та бүхэн ямар төрлийн бараа, бүтээгдэхүүнийг хамруулбал зохих, үндэслэл, шаардлага болон тухайн бараа, бүтээгдэхүүнтэй холбоотой дэлгэрэнгүй тодорхойлолт, мэдээллийг 2025 оны 10 дугаар сарын 15-ны өдөр хүртэл доорх хүснэгтээр хүргүүлж буй асуулгын дагуу бөглөж ирүүлнэ үү.
Холбоо барих:
МҮХАҮТ-ын Гадаад худалдааны бичиг баримт баталгаажуулах газар
Утас: 98110777, 77277070/3
Цахим шуудан: export@mongolchamber.mn
