ЭКСПОРТ, ГАДААД ХУДАЛДААНЫ БОЛОМЖУУД” СЭДЭВТ ЦАХИМ СУРГАЛТ ЗОХИОН БАЙГУУЛАГДЛАА

МҮХАҮТ-аас Дархан-Уул аймаг болон Орхон аймаг дахь салбар танхимуудтай хамтран худалдааг хөнгөвчлөх, экспортыг дэмжих, орон нутгийн бизнес эрхлэгчдэд танхимын үйлчилгээг хүртээмжтэй хүргэх, гадаад худалдааны талаарх мэдээ, мэдээллээр хангах, арга зүйн зөвлөгөө өгөх зорилгоор  “Экспорт, гадаад худалдааны боломжууд” сэдэвт   цахим сургалтыг (2026 оны 4 дүгээр сарын 24)-нд зохион байгууллаа.
 

Уг сургалтаар “Чөлөөт худалдааны хэлэлцээрийг ашиглах боломжууд”: Монгол Улс болон Евразийн эдийн засгийн холбоо (ЕАЭЗХ), түүний гишүүн орнууд хоорондын худалдааны түр хэлэлцээр”, “Хөнгөлөлтийн ерөнхий систем, Европын холбооны Бүртгэгдсэн экспортлогчийн систем” Гэрээний харилцаан дахь гэнэтийн буюу давагдашгүй хүчин зүйл хүнд нөхцөл байдал, МҮХАҮТ-ын хөндлөнгийн шинжээчийн үйлчилгээ /Экспертиз/ ба Экспертизийн гэрчилгээ”-ний ач холбогдол сэдвээр МҮХАҮТ-ын Гадаад худалдааны бичиг баримт баталгаажуулах газрын холбогдох албан тушаалтнууд мэдээлэл хийлээ. 

Тус сургалтад Дархан-Уул, Орхон аймагт үйл ажиллагаа явуулж буй 40 гаруй аж ахуйн нэгж, байгууллагуудын төлөөлөл, хувь хүмүүс оролцон мэдээлэл авч санал солилцов. Цаашид орон нутгийн бизнес эрхлэгчдэд Монгол Улсын нэгдэн орсон хоёр талт болон олон талт худалдааны хэлэлцээрүүд болон гадаад худалдааны чиглэлээр сургалтыг үе шаттайгаар зохион байгуулахаар ажиллаж байна.