"ENTREPRENEUR - 2025" шалгаруулалтын материал авч эхэллээ

Монгол улсын нийгэм, эдийн засгийн хөгжилд бодитой хувь нэмэр оруулж буй МҮХАҮТ-ын гишүүн, шилдэг аж ахуйн нэгж, байгууллага, бизнес эрхлэгчийг шалгаруулах, олон нийтэд сурталчлан таниулж алдаршуулах “ЭНТРЕПРЕНЁР” шагнал гардуулах ёслолын хүндэтгэлийн арга хэмжээг 28 дахь жилдээ зохион байгуулах гэж байна.

“ENTREPRENEUR-2025” арга хэмжээг дараах номинаци, шалгуур үзүүлэлтийн дагуу шалгаруулна. 

ЭНТРЕПРЕНЁР ШАГНАЛЫН НОМИНАЦИУД

А. Гран-При

B. Оны шилдэг Энтрепренёр /10 аж ахуй нэгж/

C. Оны онцлох Энтрепренёр:

• Үйлдвэрлэгч Энтрепренёр /хүнд, хөнгөн/
• Үйлчилгээний Энтрепренёр
• Худалдааны Энтрепренёр /Экспортлогч, Импортлогч, худалдаа/
• Барилга, бүтээн байгуулалтын Энтрепренёр /Зам, гүүр, барилга угсралт/
• Уул уурхайн Энтрепренёр
• ХАА-н Энтрепренёр /газар тариалан, мал аж ахуй/
• Аялал жуулчлалын Энтрепренёр /гадаад, дотоод/
• Тээвэр логистикийн Энтрепренёр
• Мэдээлэл технологийн Энтрепренёр
• Санхүүгийн Энтрепренёр /Банк, ББСБ, Даатгал, ҮЦТХТ/
• Компанийн засаглал, нийгмийн хариуцлага, комплаенс хэрэгжүүлэгч Энтрепренёр
• Инновац нэвтрүүлэгч Энтрепренёр
• Гарааны бизнес эрхлэгч Энтрепренёр
• Бичил, жижиг дунд бизнес эрхлэгч Энтрепренёр /ЖДҮ, Бичил бизнес эрхлэгч/
• Тогтвортой хөгжлийн зорилт хэрэгжүүлэгч Энтрепренёр /Байгальд ээлтэй ногоон технологи нэвтрүүлэгч, Тогтвортой үйлдвэрлэлийн менежмент нэвтрүүлэгч, Экологийн цэвэр бүтээгдэхүүн үйлдвэрлэгч /
• Бусад /Эдгээрт нэр дурдаагүй бусад салбарт хамаарах 3-аас дээш материал ирсэн тохиолдолд ажлын хэсгийн саналаар нэмэлт номинацид дэвшүүлнэ/ 

D. Бүс,Орон нутгийн онцлох Энтрепренёр

Материал хүлээн авах: Шалгаруулалтын материалыг номинаци тус бүрээр бэлдэж award.mongolchamber.mn цахим хаягаар бөглөж, холбогдох материалыг файлаар хавсарган ирүүлнэ.

Хавсралт материал:

• Зөвхөн 2025 онд хийсэн ажил, холбогдох мэдээллийг оруулах, баталгаажуулах баримт, зураг байна. 
• Тухайн онд нэмэгдсэн ажлын байрны тоо, оруулсан хөрөнгө оруулалтын дүн, татварын мэдээлэл болон бусад эдийн засгийн тоон үзүүлэлтүүдийг голлон тусгах
• Цаасан материал хүлээн авахгүй болохыг анхаарах

Материал хүлээн авах хугацаа: 2025 оны 11 дүгээр сарын 03-наас 12 дугаар сарын 05-ны 18.00 цаг хүртэл /хугацаа хоцроосон тохиолдолд материал хүлээн авах боломжгүйг анхаарна уу/

Бүртгэлийн хураамж: Шалгаруулалтад оролцогчийн бүртгэлийн хураамж: 100.000 /нэг зуун мянга/ төгрөг МҮХАҮТ-ын Хаан Банк MN50000500 5112170027 тоот дансанд тушаах

Холбоо барих:

Гишүүнчлэл, салбар танхимын асуудал хариуцсан газар
Утас: 77277070-2, 99046587
Цахим шуудан: membership@mongolchamber.mn