ЗЭЭЛИЙН САНХҮҮЖИЛТИЙГ ОРЛОХ ХУВИЛБАР НЬ БОНД ГАРГАХ ЯВДАЛ ЮМ
Улсын Их Хурлын даргын санаачилж буй БОНД ФОРУМ 2025 арга хэмжээнд МҮХАҮТ-ын Ерөнхийлөгч Л.Төр-Од оролцож нээлтийн үг хэллээ.
Эдийн засгийн өнөөгийн нөхцөл байдалд бизнесийг, ялангуяа хувийн хэвшлийг дэмжих замаар эдийн засгийн өсөлтийг хангах зайлшгүй шаардлага, мөн боломж байна гэж үзэж байна. Энэ хүрээнд МҮХАҮТ нь Санхүүгийн зохицуулах хороотой хамтран ТОП100 ААН-ийн хөрөнгийн зах зээл дэх оролцоог өсгөх арга хэмжээний хөтөлбөрийг 2023 онд хамтран баталсан.
ТОП100 ААН-үүд нь манай улсын нийгэм, эдийн засаг, санхүүгийн зах зээлийн хөгжилд чухал нөлөө үзүүлж байна. Танхим нь Үндэсний статикийн хороо, Санхүүгийн зохицуулах хороо, Татварын ерөнхий газар, Гаалийн ерөнхий газар, Нийгмийн даатгалын ерөнхий газар, Улсын бүртгэлийн ерөнхий газарта хамтран жил бүр татварын орлого, борлуулалтын орлогын гол үзүүлэлтээр эрэмбэлэн ТОП100 ААН-ийг жил бүр шалгаруулан, тэдний эдийн засагт оруулж буй хувь нэмрийг алдаршуулдаг.
Банкны шалгуур, санхүүжилтийн өртөг өсөж буй энэ цаг үед зээлийн санхүүжилтийг орлох хувилбар нь бонд гаргах явдал юм. Санхүүгийн зохицуулах хорооноос өөрийн тодорхой журамд өөрчлөлт оруулан ТОП100 ААН-ид бонд гаргахад хөнгөлөлттэй нөхцөл тавьж байгаа нь цаг үеэ олсон арга хэмжээ боллоо гэж харж байна. Учир нь өрийн бичгээр санхүүжилт татах нь тухайн коипани нь санхүүгийн мэдээллээ нээлттэй болгох, цаашид олон нийтээс хөрөнгө татан төвлөрүүлэх, түүнчлэн гадаадын хөрөнгө оруулалтыг татах томооохон урьтал нөхцөл болж өгнө өө гэж бидний зүгээс харж, энэхүү санаачилгыг ихэд сайшаан хүлээн авч байгааг тэмдэглэмээр байна. Бондоор хөрөнгө оруулалт татахдаа ТОП100 компаниуд болон энэ зохицуулалттай зах зээлийн мэргэжлийн оролцогч та бүхэн Ногоон бондыг мөн онцлон анхаарахыг хүсч байна. Ногоон бонд нь бидний өнөөгийн хамгийн ихээр ярьж буй ногоон шилжилт, нөгөөн хөгжлийг цогцлооход тодорхой хувь нэмэр оруулах бүтээгдэхүүн юм шүү гэдгийг энд онцлон дурдмаар байна.
Түүнчлэн дараагийн чухал асуудал бол энэхүү СЗХ болон Танхимаас хэрэгжүүлж байгаа шинэ санаачилгын хүрээнд компанийн засаглалыг бэхжүүлэх агуулга ихээхэн ач холбогдолтой бөгөөд энэ агуулга ч бидний өнөөдөр СЗХ, Хөрөнгийн бирж, Арилжаа эрхлэгчдийн холбоотой хамтран зурсан санамж бичигт туссан байгаа.
