“МОНГОЛ ХЯТАДЫН ХУДАЛДААГ ДЭМЖИХ ХОЛБОО”, БНХАУ-ЫН ЖЭЖЯН МУЖИЙН НИНБО ХОТЫН “ХИЛИЙН ЧАНАД ДАХЬ БИЗНЕС ЭРХЛЭГЧДИЙН ХУДАЛДААНЫ ТАНХИМ” ХАМТАРСАН УУЛЗАЛТ БОЛЛОО

Энэхүү бизнес форум, B2B уулзалтад БНХАУ-аас Нинбо хотын хилийн чанад дахь бизнес эрхлэгчдийн худалдааны танхим, салбар нийгэмлэгийн хүндэт ерөнхийлөгчид болон МҮХАҮТ-аас Гүйцэтгэх захирал Ц.Магнайбаатар нар оролцож үг хэллээ.

Уулзалт БНХАУ-аас барилга, интерьер дизайн, эрүүл мэндийн технологи, эмийн үйлдвэрлэл, электроник үйлдвэрлэл, гадаад худалдаа, хөрөнгө оруулалт, хөнгөн үйлдвэрлэл, үнэт чулуун эдлэлийн үйлдвэрлэл худалдаа, урлагийн бүтээлийн чиглэлийн 20 гаруй компани, Монгол Улсаас 30 гаруй бизнесийн байгууллагууд оролцон үйл ажиллагаа танилцуулан, хамтран ажиллах санамж бичигт гарын үсэг зурлаа.