"MEMBER CARE" арга хэмжээ: КЛАСТЕР БОЛ ЭДИЙН ЗАСГИЙН ПУУЖИН
МҮХАҮТ-аас шинээр гишүүн болсон аж ахуй нэгжүүдддээ танхимын үйл ажиллагааг бүрэн таниулах, шинэ гишүүдээ хооронд нь таниулах, хэрэгцээтэй бүтээгдэхүүн үйлчилгээгээ газар дээр нь үзүүлэхээр “Member care” арга хэмжээг уламжлал болгон зохион байгуулдаг.
Өнөөдөр тус арга хэмжээ болж, 2025 оны гуравдугаар улиралд гишүүнээр элссэн 100 гаруй аж ахуй нэгжид МҮХАҮТ-ын Гүйцэтгэх захирал Ц.Магнайбаатар, Дэд захирал Ч.Баттулга нар "Жинхэнэ гишүүн"-ий гэрчилгээг нь гардуулж, цаашид бизнесийн үйл ажиллагаагаа улам өргөжүүлэн, хамтран ажиллахыг хүсэв.
Тус үйл ажиллагаанд МҮХАҮТ-ын бүх газрын дарга нар оролцож, өөрсдийн газруудын чиг үүрэг, хийж буй ажлуудаа шинэ гишүүддээ танилцуулж, В2В уулзалт хийлээ.
Мөн Капитрон банкны хамтын ажиллагааны газрын захирал Б.Батхуяг, Капитрон банкны бүтээгдэхүүн, үйлчилгээний танилцуулга, Монголын экспортын кластерын сүлжээ ТББ-н удирдах зөвлөлийн дарга Н.Сарангуа Кластер бол эдийн засгийн пуужин сэдвээр илтгэл тавилаа.
“WOMEN OWNED” тэмдгийн гэрчилгээг шаардлага хангасан зарим аж ахуйн нэгжүүдэд олголоо. Энэхүү тохирлын тэмдгийг бүтээгдэхүүн, үйлчилгээндээ ашигласнаар бизнесийн зах зээлд эмэгтэй бизнес эрхлэгчдийг тодорхойлох, таних замаар борлуулалтаа нэмэгдүүлэх, тэмдэг эзэмшигчдийн зүгээс хэрэгжүүлж буй аливаа төсөл, хөтөлбөрүүдэд хамрагдах, түүнчлэн мэдээ мэдээллийг цаг алдалгүй хүлээн авч, бизнесийн хамтрал үүсэх шинэ үүд хаалга нээгдэж байгаа юм.
Шинэ гишүүддээ баяр хүргэж, бизнест нь амжилт хүсье.
