Оюуны өмчийн төслийн сонгон шалгаруулалт

2027-2029 онд хэрэгжүүлэх орон нутгийн иргэдийн амьдралын чанарыг сайжруулах, хөдөө аж ахуйн технологи хөгжүүлэх, оюуны өмчийн боловсролыг дэмжих чиглэлээр олон улсын төслийн сонгон шалгаруулалтад оролцохыг урьж байна.  

Төслийн хэрэгжих хугацаа: 2027-2029 он (гурван жил)
Өргөдөл илгээх эцсийн хугацаа: 2025-06-27 өдөр

Зохион байгуулагч:  
БНСУ-ын Оюуны Өмчийн Байгууллага (KIPO)
БНСУ-ын Шинэ Бүтээлийг Дэмжих Холбоо (KIPA)
Төслийн үндэсний зохицуулагч:
МУ-ын Оюуны өмчийн газар

Төслийг Англи хэл дээр боловсруулж илгээх бөгөөд шалгуур үзүүлэлт, хугацаа, санхүүжилт зэрэг дэлгэрэнгүй мэдээллийг хавсаргасан өргөдлийн маягтаас үзнэ үү.

СОНГОН ШАЛГАРУУЛАЛТ ДАРААХ 2 ТӨРЛӨӨР ЗАРЛАГДСАН

1. Орон нутгийн иргэдийг чадавхжуулах, хямд өртөгтэй шийдлүүд болон зах зээлд үнэ цэнтэй брэндүүдийг бий болгох замаар бүс нутгийн тогтвортой хөгжил, урт хугацааны эдийн засгийн өсөлтөд хүргэх зорилго бүхий үйл ажиллагааг дэмжих төсөл нь зорилтот бүлэг, шийдлийн цар хүрээнээс хамааран дараах хоёр үндсэн төрөлд хуваагдана:

• 1-р төрөл: Орон нутгийн иргэдийн амьдралын чанарыг сайжруулах;
• 2-р төрөл: Орон нутгийн хөдөө аж ахуйн технологийг хөгжүүлж, түгээх, хөдөө аж ахуйн чадавхыг дээшлүүлэхэд дэмжлэг үзүүлэхэд чиглэнэ.

Төслийг шат дараатайгаар хэрэгжүүлснээр, ашиг хүртэгч талууд орон нутгийн нөхцөлд тохируулж патентад суурилсан технологи, мэргэжлийн зөвлөгөө болон техникийн дэмжлэгүүдэд хамрагдах боломжтой болж эдийн засаг, нийгмийн хөгжилд хувь нэмэр оруулах нөхцөл бүрдэнэ.

Өргөдлийн маягт татаж авах: 
1. ХАА ОӨ төслийн өргөдлийн маягт - Англи хэл
2. ХАА ОӨ төслийн өргөдлийн маягт - Монгол хэл (орчуулга)

2. Шүүмжлэлт сэтгэлгээ, асуудал шийдвэрлэх чадвар, оюуны өмчид суурилсан авьяас чадварыг хөгжүүлэх, шинийг бүтээгч шинэ үеийг төлөвшүүлэх үндэс суурийг тавьж, үндэсний боловсролын тогтолцоонд урт хугацааны эерэг нөлөө үзүүлэх зорилготой төсөл нь боловсролын байгууллагын хөтөлбөрт оюуны өмч, тэр дундаа шинэ бүтээлийн боловсрол олгох чиглэлээр сургалтын хөтөлбөр боловсруулж, сургагч багш нарыг бэлтгэхэд чиглэнэ.

Өргөдлийн маягт татаж авах: 
1. Боловсрол ОӨ төслийн өргөдлийн маягт - Англи хэл
2. Боловсрол ОӨ төслийн өргөдлийн маягт - Монгол хэл (орчуулга)

Дээрх төслүүд нь Оюуны өмчийг хуваалцах санаачилга (IP Sharing Initiative) нэртэй Солонгосын ODA (Official Development Assistance) төслийн хүрээнд хэрэгжиж буй бөгөөд МҮХАҮТ нь Дэлхийн оюуны өмчийн байгууллагын Технологи, инновацийг дэмжих төв (TISC)-ийн сүлжээнд нэгдсэн байгууллагын хувьд энэхүү сонгон шалгаруулалтын зарыг хүргэж байна.

МҮХАҮТ-ын Оюуны өмчийн төв
Утас: 77277070-8
Email: patenttmbur@mongolchamber.mn; duurenjargal@mongolchamber.mn